കോഴിക്കോട്: പെൻസിൽമുനയിൽ സംസ്ഥാനങ്ങളും തലസ്ഥാനങ്ങളും രേഖപ്പെടുത്തി ഇന്ത്യ ബുക്ക് ഓഫ് റെക്കോഡ്‌സിൽ ഇടം നേടിയിരിക്കുകയാണ് രാമനാട്ടുകര പെരിങ്ങാവ് സ്വദേശിയായ ആദർശ്. 13 മണിക്കൂറും 53 മിനിറ്റുമെടുത്താണ് ആദർശ് സംസ്ഥാനങ്ങളും തലസ്ഥാനങ്ങളും പെൻസിൽ മുനയിൽ കൊത്തിയെടുത്തത്. 2021-ൽ പുറത്തിറങ്ങുന്ന പട്ടികയിലാണ് ആദർശിന്റെ പേര് ഉൾപ്പെടുത്തുക.
കോഴിക്കോട് ഗവൺമെന്റ് എൻജിനിയറിങ് കോളജിലെ മൂന്നാം വർഷ ഇലക്ട്രോണിക്സ് ആൻഡ് കമ്യൂണിക്കേഷൻസ് വിദ്യാർഥിയാണ് ആദർശ്. ലോക്ക്ഡൗൺ കാലത്ത് കൂട്ടുകാരെല്ലാം ടിക് ടോക്കും പാചകവുമൊക്കെ പരീക്ഷിച്ചപ്പോഴാണ് ആദർശ് ഈ വേറിട്ട വഴി തിരഞ്ഞെടുത്തത്.
കൂട്ടുകാരിയുടെ വാട്‌സാപ്പ് സ്റ്റാറ്റസിൽ കണ്ട പെൻസിൽ കാർവിങ് ചിത്രമാണ് ആദർശിന് ഈ ആശയം സമ്മാനിച്ചത്. ഇപ്പോഴിത് തന്റെ വരുമാന മാർഗം കൂടിയാക്കിയിരിക്കുകയാണ് ഇയാൾ. ‘മൈക്രോ ആർട്ട് ബൈ ആദി’ എന്ന ഇൻസ്റ്റഗ്രാം അക്കൗണ്ടിലൂടെയാണ് വിൽപന. അച്ഛൻ ബാബുരാജ്, അമ്മ പ്രസീജയും മകന് പിന്തുണയായി ഒപ്പമുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
