കൊച്ചി: തിങ്കളാഴ്ച മെല്‍ബണില്‍ നിന്ന് കൊച്ചിയിലെത്തിയ യാത്രക്കാരില്‍ ഒരാള്‍ കോവിഡ് ലക്ഷണങ്ങള്‍ ഉള്ളതിനാല്‍ കളമശേരി മെഡിക്കല്‍ കോളജില്‍ പ്രവേശിപ്പിച്ചു. ഇയാള്‍ ആലപ്പുഴ സ്വദേശിയാണ്. വിമാനത്തില്‍ 221 യാത്രക്കാരാണുണ്ടായിരുന്നത്. ഇതില്‍ 112 പേര്‍ പുരുഷന്‍മാരും 109 പേര്‍ സ്ത്രീകളുമാണ്. പത്ത് വയസില്‍ താഴെയുള്ള 5 കുട്ടികളും 10 ഗര്‍ഭിണികളും 18 മുതിര്‍ന്ന പൗരന്മാരും ഇതില്‍ ഉള്‍പ്പെടുന്നു.
യാത്രക്കാരില്‍ 136 പേരെ വിവിധ ജില്ലകളിലെ കോവിഡ് കെയര്‍ സെന്ററുകളിലും 84 പേരെ വീടുകളിലും നിരീക്ഷണത്തിലാക്കി.
ജില്ല തിരിച്ചുള്ള കണക്ക്
ആലപ്പുഴ 9
എറണാകുളം 42
ഇടുക്കി 7
കണ്ണൂര്‍ 11
കൊല്ലം 15
കോട്ടയം 28
കോഴിക്കോട് 14
മലപ്പുറം 12
പാലക്കാട് 9
പത്തനംത്തിട്ട 9
തിരുവനന്തപുരം 28
വയനാട്9
തൃശ്ശൂര്‍ 20
മറ്റ് സംസ്ഥാനങ്ങള്‍ 8
എറണാകുളം ജില്ലയില്‍ നിന്നുള്ള 42 പേരില്‍ 22 പേര്‍ പുരുഷന്‍മാരും 20 പേര്‍ സ്ത്രീകളുമാണ്. 1 ഗര്‍ഭിണിയും 3 മുതിര്‍ന്ന പൗരന്മാരും ഇതില്‍ ഉള്‍പ്പെടുന്നു.വിവിധ കോവിഡ് കെയര്‍ സെന്ററുകളില്‍ 18 പേരെയും 24 പേരെ വീടുകളിലും നിരീക്ഷണത്തിലാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
