കണ്ണൂർ : കണ്ണൂർ കണ്ണപുരത്ത് സിപിഎം പ്രവർത്തകന് വെട്ടേറ്റു. സിപിഎം തൃക്കോത്ത് ബ്രാഞ്ച് അംഗവും ഡിവൈഎഫ്ഐ മേഖലാ കമ്മിറ്റി അംഗവുമായ മാറ്റാങ്കിൽ സ്വദേശി ആദർശിനാണ് വെട്ടേറ്റത്. തലയ്ക്കും കൈയ്ക്കും പരിക്കേറ്റ ആദർശിനെ ചെറുക്കുന്നിലെ സ്വകാര്യ ആശുപത്രിയിൽ പ്രവേശിപ്പിച്ചു.
കണ്ണപുരം പറമ്പത്തുവച്ചാണ് അക്രമം. ബൈക്കിൽനിന്ന് ഇറങ്ങുന്നതിനിടെ വെട്ടുകയായിരുന്നു. ആർഎസ്എസ് പ്രവർത്തകരാണ് അക്രമത്തിന് പിന്നിലെന്ന് സിപിഎം ആരോപിച്ചു.
ആർഎസ്എസ്സുകാരായ മൊട്ടമ്മലിലെ സി വി സുമേഷ്, പറമ്പത്തെ ആശാരി സന്തോഷ്, പൂക്കോട്ടി രതീശൻ എന്നിവരാണ് അക്രമത്തിന് പിന്നിലെന്ന് കണ്ണപുരം പൊലീസിൽ നൽകിയ പരാതിയിൽ പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ