തിരുവനന്തപുരം: സംസ്ഥാനത്ത് ഇന്ന് കോവിഡ് സ്ഥിരീകരിച്ച 58 പേരില് ഏഴുപേര് പൊതുമേഖല വിമാന കമ്പനിയായ എയര് ഇന്ത്യയുടെ ജീവനക്കാര്. ഒരു ആരോഗ്യപ്രവര്ത്തകയ്ക്കും സമ്പര്ക്കത്തിലൂടെ രണ്ടുപേര്ക്കും രോഗബാധ ഉണ്ടായതാണ് മറ്റൊരു ശ്രദ്ധേയമായ കാര്യം. കൊല്ലം, പാലക്കാട് എന്നി ജില്ലകളിലാണ് സമ്പര്ക്കത്തിലൂടെ രോഗബാധ ഉണ്ടായത്. പാലക്കാടാണ് ആരോഗ്യപ്രവര്ത്തകയ്ക്ക് കോവിഡ് സ്ഥിരീകരിച്ചത്.
തൃശൂര് ജില്ലയില് നിന്നുള്ള 10 പേര്, പാലക്കാട് ജില്ലയില് നിന്നുള്ള 9 പേര്, കണ്ണൂര് ജില്ലയില് നിന്നുള്ള 8 പേര്, കൊല്ലം, ഇടുക്കി, എറണാകുളം, കോഴിക്കോട് ജില്ലകളില് നിന്നുള്ള 4 പേര് വീതം കാസര്കോട്് ജില്ലയില് നിന്നുള്ള 3 പേര്, തിരുവനന്തപുരം, ആലപ്പുഴ ജില്ലകളില് നിന്നുള്ള 2 പേര് വീതം, കോട്ടയം ജില്ലയില് നിന്നുള്ള ഒരാള് എന്നിങ്ങനെയാണ് മറ്റു കോവിഡ് ബാധിതരുടെ കണക്കുകള്. ഇതില് ആലപ്പുഴ ജില്ലയില് കരള് രോഗബാധയെ തുടര്ന്ന് ചികിത്സയിലായിരിക്കെ ഇന്നലെ മരണമടഞ്ഞ വ്യക്തിയുടെ പരിശോധനാഫലവും ഉള്പെടുന്നു.
17 പേര് വിദേശത്ത് നിന്നും (കുവൈറ്റ്6, യു.എ.ഇ.6, ഒമാന്2, സൗദി അറേബ്യ1, ഖത്തര്1, ഇറ്റലി1) 31 പേര് മറ്റ് സംസ്ഥാനങ്ങളില് (മഹാരാഷ്ട്ര19, തമിഴ്നാട്9, തെലുങ്കാന1, ഡല്ഹി1, കര്ണാടക1) നിന്നും വന്നതാണ്. രോഗം സ്ഥിരീകരിച്ച് ചികിത്സയിലായിരുന്ന 10 പേരുടെ പരിശോധനാഫലം നെഗറ്റീവ് ആയിട്ടുണ്ട്. മലപ്പുറം ജില്ലയില് നിന്നുള്ള 4 പേരുടെയും (ഒരു പാലക്കാട് സ്വദേശി) തൃശൂര് ജില്ലയില് നിന്നുള്ള 3 പേരുടെയും തിരുവനന്തപുരം, കോട്ടയം, കണ്ണൂര് ജില്ലകളില് നിന്നുള്ള ഓരോരുത്തരുടെ വീതവും പരിശോധനഫലമാണ് നെഗറ്റീവ് ആയത്. 624 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 575 പേര് കോവിഡ് മുക്തരായി.
എയര്പോര്ട്ട് വഴി 17,720 പേരും സീപോര്ട്ട് വഴി 1621 പേരും ചെക്ക് പോസ്റ്റ് വഴി 97,952 പേരും റെയില്വേ വഴി 9796 പേരും ഉള്പ്പെടെ സംസ്ഥാനത്ത് ആകെ 1,27,089 പേരാണ് എത്തിയത്.
സംസ്ഥാനത്തെ വിവിധ ജില്ലകളിലായി 1,30,157 പേര് നിരീക്ഷണത്തിലാണ്. ഇവരില് 1,28,953 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 1204 പേര് ആശുപത്രികളിലും നിരീക്ഷണത്തിലാണ്. 243 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
കഴിഞ്ഞ 24 മണിക്കൂറിനിടെ 3206 സാമ്പിളുകള് പരിശോധനയ്ക്കായി അയച്ചിട്ടുണ്ട്. ഇതുവരെ 65,002 വ്യക്തികളുടെ (ഓഗ്മെന്റഡ് സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 62,543 സാമ്പിളുകളുടെ പരിശോധനാഫലം നെഗറ്റീവ് ആണ്. ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 12,255 സാമ്പിളുകള് ശേഖരിച്ചതില് 11,232 സാമ്പിളുകള് നെഗറ്റീവ് ആയി.
ഇന്ന് 5 പ്രദേശങ്ങളെ കൂടി ഹോട്ട് സ്പോട്ടുകളാക്കി. തിരുവനന്തപുരം ജില്ലയിലെ മാണിക്കല്, പാലക്കാട് ജില്ലയിലെ പാലക്കാട് മുന്സിപ്പാലിറ്റി, തച്ചമ്പാറ, പട്ടാമ്പി, കോട്ടയം ജില്ലയിലെ മാടപ്പള്ളി എന്നിവയാണ് പുതിയ ഹോട്ട് സ്പോട്ടുകള്. നിലവില് ആകെ 106 ഹോട്ട് സ്പോട്ടുകളാണ് ഉള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ