കൊച്ചി: ഇന്നു രാവിലെ 10 മണി മുതൽ 12 വരെ കേരള വ്യാപാരി വ്യവസായി ഏകോപന സമിതിയുടെ നേതൃത്വത്തിൽ സംസ്ഥാന വ്യാപകമായി സമരം. കട തുറക്കുമെങ്കിലും കച്ചവടം നടത്താതെയാണ് സമരം നടത്തുക. കോവിഡ് പ്രതിസന്ധിയിൽപെട്ട് തകർന്നുകൊണ്ടിരിക്കുന്ന മേഖലയെ സംരക്ഷിക്കണമെന്നും കേന്ദ്ര-സംസ്ഥാന സർക്കാറുകളുടെ വ്യാപാര ദ്രോഹ നടപടികൾ അവസാനിപ്പിക്കണമെന്നും ആവശ്യപ്പെട്ടാണ് സമരം.
കോവിഡ് നിയന്ത്രണങ്ങൾ പ്രായോഗികമാക്കുന്നതും വഴിയോര കച്ചവടങ്ങൾക്കും നിയന്ത്രണങ്ങൾ കൊണ്ടുവരുന്നതുമുൾപ്പെടെ വിവിധ ആവശ്യങ്ങളുന്നയിച്ച് കേരളത്തിൽ അങ്ങോളമിങ്ങോളമുള്ള സമിതി അംഗങ്ങൾ ധർണ നടത്തും. സൂചനസമരത്തിനുശേഷം അനുകൂല നിലപാടുണ്ടായില്ലെങ്കിൽ അനിശ്ചിത കാലത്തേക്ക് കടകൾ അടച്ചിട്ട് സമരം രംഗത്തേക്കിറങ്ങുമെന്ന് സംസ്ഥാന പ്രസിഡൻറ് ടി. നസിറുദ്ദീനും ജനറൽ സെക്രട്ടറി രാജു അപ്സരയും അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ