തൃശൂർ: ആരോഗ്യ ശാസ്ത്ര സർവകലാശാല ബുധനാഴ്ച നടത്തിയ മൂന്നാം വർഷ ബിഎസ്സി നഴ്സിങ് ബിരുദം സപ്ലിമെന്ററി (2016 സ്കീം) തിയറി പരീക്ഷയുടെ ചൈൽഡ് ഹെൽത്ത് നഴ്സിങ് പേപ്പർ റദ്ദാക്കി. അധ്യാപകരുടെ വാട്സ് ആപ്പ് ഗ്രൂപ്പിൽ ചോദ്യങ്ങൾ പ്രചരിച്ചതിനെ തുടർന്നാണ് നടപടി.
ഇന്നലെ പരീക്ഷ നടക്കുമ്പോൾ തന്നെ അധ്യാപകരുടെ വാട്സാപ് ഗ്രൂപ്പിൽ ചോദ്യങ്ങൾ പ്രചരിച്ചിരുന്നു. രാവിലെ 11ഓടെയാണ് ചോദ്യങ്ങൾ പ്രചരിക്കുന്ന കാര്യം ശ്രദ്ധയിൽപെട്ടത്. ഈ സമയം പരീക്ഷ കഴിഞ്ഞിരുന്നില്ല.
പിന്നാലെ പരീക്ഷ റദ്ദാക്കാൻ തീരുമാനിക്കുകയായിരുന്നു. പുതുക്കിയ പരീക്ഷാ തീയതി പിന്നീട് അറിയിക്കും. ചോദ്യങ്ങൾ സൈബർ സെല്ലിനു വിവരങ്ങൾ കൈമാറിയതായി വൈസ് ചാൻസലർ ഡോ.കെ.മോഹനൻ പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ