തൃശൂർ: തദ്ദേശഭരണ തെരഞ്ഞടുപ്പിന് ഇന്ന് നാമനിർദേശ പത്രിക സമർപ്പിക്കാനിരിക്കെ സ്ഥാനാർഥി ഹൃദയാഘാതം മൂലം മരിച്ചു. കേരള കോൺഗ്രസിന്റെ (ജോസഫ്) സ്ഥാനാർഥിയായി നിശ്ചയിച്ചിരുന്ന സുനിലാണ് (49) മരിച്ചത്. പാവറട്ടി പഞ്ചായത്തിൽ 14-ാം വാർഡിൽ നിന്നാണ് മത്സരിക്കാൻ ഉറച്ചിരുന്നത്.
പ്രചാരണത്തിനുശേഷം ബുധനാഴ്ച നാമനിർദേശ പത്രിക സമർപ്പിക്കാനുള്ള രേഖകൾ ശരിയാക്കി ഉച്ചയ്ക്ക് വീട്ടിലെത്തിയതാണ് സുനിൽ. ഭക്ഷണം കഴിച്ച് കിടന്ന് ഏറെ നേരം കഴിഞ്ഞും എഴുന്നേൽക്കാതായതിനെ തുടർന്ന് ഭാര്യ വിളിച്ചപ്പോഴാണ് അനക്കമില്ലെന്ന് കണ്ടത്. ഉടൻ ചാവക്കാട് സ്വകാര്യ ആശുപത്രിയിൽ എത്തിച്ചെങ്കിലും മരിച്ചു.
കേരള കോൺഗ്രസ് (ജോസഫ്) ദളിത് ഫ്രണ്ട് ജില്ലാ മുൻ സെക്രട്ടറി പരേതനായ ചെറിയ അയ്യപ്പന്റെ മകനാണ് സുനിൽ. സംസ്‌കാരം കോവിഡ്‌ പരിശോധനകൾക്കുശേഷം നടക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
