തിരുവനന്തപുരം : സ്വര്ണക്കടത്ത്, ലൈഫ് മിഷന് ഇടപാടുമായി ബന്ധപ്പെട്ട് മുഖ്യമന്ത്രിയുടെ അഡീഷണല് പ്രൈവറ്റ് സെക്രട്ടറി സി എം രവീന്ദ്രന് എന്ഫോഴ്സ്മെന്റ് ഡയറക്ടറേറ്റിന്റെ നോട്ടീസ്. വെള്ളിയാഴ്ച ചോദ്യം ചെയ്യലിന് കൊച്ചിയിലെ ഓഫീസിൽ ഹാജരാകണമെന്ന് ആവശ്യപ്പെട്ടാണ് നോട്ടീസ് നല്കിയിട്ടുള്ളത്.
നേരത്തെ രവീന്ദ്രന് ചോദ്യം ചെയ്യലിന് ഹാജരാകാന് ആവശ്യപ്പെട്ട് ഇ ഡി നോട്ടീസ് നല്കിയിരുന്നു. എന്നാല് ചോദ്യം ചെയ്യലിന് ഹാജരാകേണ്ടതിന് മുമ്പ് രവീന്ദ്രന് കോവിഡ് ബാധിച്ചു. ഇതേത്തുടര്ന്ന് അദ്ദേഹം തിരുവനന്തപുരം മെഡിക്കല് കോളജില് ചികില്സയിലായിരുന്നു.
കോവിഡ് മുക്തനായി ക്വാറന്റീനും പൂര്ത്തിയാക്കിയതിനെ തുടര്ന്ന് ഇക്കാര്യം രവീന്ദ്രന് ഇഡി അധികൃതരെ അറിയിച്ചിരുന്നു. ഇതേത്തുടര്ന്നാണ് ചോദ്യം ചെയ്യലിന് ഹാജരാകാന് ആവശ്യപ്പെട്ട് പുതിയ നോട്ടീസ് നല്കിയിട്ടുള്ളത്. സ്വര്ണക്കടത്ത്, ലൈഫ് മിഷന് ഇടപാടുകള് മുഖ്യമന്ത്രിയുടെ ഓഫീസിന് അറിവുണ്ടെന്നാണ് ഇഡി സംശയിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ