തെങ്ങിനും ജീപ്പിനും ഇടയിൽ തല കുടുങ്ങി, പതിനാറു വയസ്സുകാരന് ദാരുണാന്ത്യം 

ജീപ്പ് നിയന്ത്രണം വിട്ട് പിന്നിലേക്ക് ഉരുളുകയായിരുന്നു
തെങ്ങിനും ജീപ്പിനും ഇടയിൽ തല കുടുങ്ങി, പതിനാറു വയസ്സുകാരന് ദാരുണാന്ത്യം 

മലപ്പുറം: തെങ്ങിനും ജീപ്പിനും ഇടയിൽ തല കുടുങ്ങി പതിനാറു വയസ്സുകാരൻ മരിച്ചു. മലപ്പുറം വേങ്ങര സ്വദേശികളായ പാറക്കൽ ഹസൻക്കുട്ടി-സാബിറ ദമ്പതികളുടെ മകൻ ഷിബിലിയാണ് മരിച്ചത്. ഊരകം മലയിൽ ചേറൂർ കൊട്ടേക്കാട്ട് പറമ്പിലാണ് അപകടം നടന്നത്. 

ഇടറോഡിൽ നിന്ന്  മുതുവിൽക്കുണ്ട് റോഡിലേക്ക് പ്രവേശിക്കുന്നതിനിടെ ജീപ്പ് നിയന്ത്രണം വിട്ട് പിന്നിലേക്ക് ഉരുളുകയായിരുന്നു. മലയിലെ കൃഷിയിടത്തിൽ നിന്നുള്ള വാഴക്കുലകളും മറ്റും ജീപ്പിലുണ്ടായിരുന്നതിനാൽ തല പുറത്തേക്കിട്ടാണ് യാത്ര ചെയ്തത്. 

പത്താം ക്ലാസ് വിജയിച്ച ഷിബിലി പ്ലസ് വണ്ണിലേക്ക്  പ്രവേശനം നേടിയിരിക്കെയാണ് ദാരുണാന്ത്യം.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com