കൊച്ചി; ഡ്രൈവിങ് ടെസ്റ്റിൽ പരാജയപ്പെട്ടതിന്റെ ദേഷ്യത്തിൽ മോട്ടോർ വെഹിക്കിൾ ഇൻസ്പെക്ടറെ ആക്രമിക്കാൻ ക്വട്ടേഷൻ നൽകിയതായി പരാതി. 18 കാരനാണ് ടെസ്റ്റിൽ പരാജയപ്പെട്ടതിന് പിന്നാലെ ക്വട്ടേഷൻ കൊടുത്തത്. എറണാകുളം ആർടി ഓഫിസിലെ മോട്ടർ വെഹിക്കിൾ ഇൻസ്പെക്ടർ എൻ ടി കിഷോർകുമാറാണ് പൊലീസിനു പരാതി നൽകിയത്.
ഡ്രൈവിങ് ടെസ്റ്റിൽ ഗ്രൗണ്ട് ടെസ്റ്റ് യുവാവ് പാസിയിരുന്നു. എന്നാൽ റോസ് ടെസ്റ്റിൽ പരാജയപ്പെട്ടതോടെയാണ് എംവിഐക്കെതിരെ ക്വട്ടേഷൻ നൽകിയത്. തുടർന്ന് ക്വട്ടേഷൻ ലഭിച്ചയാൾ ഭീഷണിയുമായി രംഗത്തെത്തിയതോടെയാണ് ഇൻസ്പെക്ടർ പരാതി നൽകിയത്. സിവിൻ സ്റ്റേഷൻ ലിഫ്റ്റിനു സമീപം വച്ച് അസഭ്യം പറയുകയും പുറത്തേക്കിറങ്ങിയ തന്നെ തടഞ്ഞുനിർത്തി ആക്രമിക്കാൻ ശ്രമിച്ചെന്നാണ് പരാതിയിൽ പറയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ