കൊച്ചി: ആലുവ മാർക്കറ്റ് മൂന്ന് ദിവസത്തേക്ക് അടച്ചിടും. നാളെ മുതൽ മൂന്ന് ദിവസത്തേക്കാണ് മാർക്കറ്റ് അടച്ചിടുന്നത്. പച്ചക്കറി മാർക്കറ്റിലെ തൊഴിലാളികൾക്ക് കോവിഡ് സ്ഥിരീകരിച്ചതിനെ തുടർന്നാണ് നടപടി.
പച്ചക്കറി, മത്സ്യം, മാംസം വിൽക്കുന്ന മാർക്കറ്റുകളാണ് അടയ്ക്കുന്നത്. ജില്ലയിൽ ഇന്ന് 911 പേർക്കാണ് രോഗം സ്ഥിരീകരിച്ചത്. സമ്പർക്കം വഴി 753 പേർക്കാണ് രോഗം സ്ഥിരീകരിച്ചത്. 118 പേരുടെ ഉറവിടം അറയില്ല. ഇന്ന് 458 പേർ രോഗ മുക്തി നേടി.
2277 പേരെ കൂടി ഇന്ന് ജില്ലയിൽ പുതുതായി വീടുകളിൽ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 1994 പേരെ നിരീക്ഷണ പട്ടികയിൽ നിന്നും ഒഴിവാക്കുകയും ചെയ്തു നിരീക്ഷണത്തിൽ ഉള്ളവരുടെ ആകെ എണ്ണം 29777 ആണ്. ഇതിൽ 27968 പേർ വീടുകളിലും 132 പേർ കോവിഡ് കെയർ സെന്ററുകളിലും 1677 പേർ പണം കൊടുത്തുപയോഗിക്കാവുന്ന സ്ഥാപനങ്ങളിലുമാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
