തിരുവനന്തപുരം : തിരുവനന്തപുരം പാങ്ങോട് വീടിനുള്ളില് യുവാവിന്റെ മൃതദേഹം കത്തിക്കരിഞ്ഞ നിലയില് കണ്ടെത്തിയ സംഭവത്തില് പ്രതി അറസ്റ്റിലായി. പാങ്ങോട് സ്വദേശി നവാസിനെയാണ് പൊലീസ് അറസ്റ്റു ചെയ്തത്. പരയ്ക്കാട് കോളനിവാസിയായ ഷിബുവിനെയാണ് കഴിഞ്ഞ ബുധനാഴ്ച കൊല്ലപ്പെട്ട നിലയില് കണ്ടെത്തിയത്.
മദ്യം കഴിക്കുന്നതിനിടെ ഉണ്ടായ തര്ക്കത്തിനിടെ ഷിബുവിനെ നവാസ് കല്ലു കൊണ്ട് തലയ്ക്ക് ഇടിച്ചു കൊലപ്പെടുത്തുകയായിരുന്നു എന്ന് പൊലീസ് പറഞ്ഞു. പിന്നീടു മദ്യം ഒഴിച്ച് മൃതദേഹം കത്തിച്ചു. കഴിഞ്ഞ ഞായറാഴ്ച വൈകീട്ട് പാങ്ങോട്ടുള്ള വീട്ടില് ഷിബുവും നവാസും ഒരുമിച്ചിരുന്നു മദ്യം കഴിച്ചു. ഇതിനിടയില് ഇരുവരും തമ്മില് വാക്കേറ്റമുണ്ടായി.
നിലത്തുവീണ ഷിബുവിനെ പട്ടിക കൊണ്ട് അടിക്കുകയും വെട്ടുകത്തി കൊണ്ടു വെട്ടുകയും ചെയ്തു. പിന്നീട് ടാര്പോളിന് ഷീറ്റും തുണികളും വലിച്ചിട്ട് മദ്യം ഒഴിച്ച് കത്തിച്ചുവെന്നും പൊലീസ് പറയുന്നു. നവാസ് നേരത്തെ ഒരു കൊലപാതക കേസില് പ്രതിയുമാണ്. നിരവധിക്കേസുകളില് പ്രതിയായ നവാസിനെ ഷിബു നേരത്തെ കൊലപ്പെടുത്താനും ശ്രമിച്ചിട്ടുണ്ട്.
ഷിബു മോഷണക്കേസില് ശിക്ഷിക്കപ്പെട്ട് ജയില് മോചിതനായ ശേഷം സുഹൃത്തുക്കളുമായി ഒത്തുചേരാറുണ്ടായിരുന്നു. ബുധനാഴ്ച കാല് അസ്ഥികള് നായ കടിച്ചുകീറുന്നത് തൊഴിലുറപ്പ് സ്ത്രീകളാണ് പൊലീസിനെ വിവരം അറിയിച്ചത്. പിന്നീട് നടത്തിയ പരിശോധനയിലാണ് സമീപത്തെ വീട്ടില് മൃതദേഹം കത്തിക്കരിഞ്ഞ നിലയില് കണ്ടെത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ