കൊച്ചി: ലൈഫ് മിഷന് കേസില് അടിയന്തരമായി വാദം കേള്ക്കണമെന്ന് ആവശ്യപ്പെട്ട് സിബിഐ ഹൈക്കോടതിയില്. കോടതി ഉത്തരവു പ്രകാരമുള്ള ഭാഗിക സ്റ്റേ അന്വേഷണത്തിനു തടസ്സമാവുന്നുവെന്ന് ചൂണ്ടിക്കാട്ടിയാണ് സിബിഐ അപേക്ഷ നല്കിയത്. സിബിഐയുടെ ആവശ്യം ഹൈക്കോടതി തിങ്കളാഴ്ച പരിഗണിക്കും.
ലൈഫ് മിഷന് ഇടപാടില് സിബിഐ രജിസ്റ്റര് ചെയ്ത കേസില് രണ്ടു മാസത്തെ ഭാഗിക സ്റ്റേയാണ് കഴിഞ്ഞ ദിവസം ഹൈക്കോടതി ഏര്പ്പെടുത്തിയത്. ലൈഫ് മിഷന് സിഇഒ യുവി ജോസ് നല്കിയ ഹര്ജി പരിഗണിച്ചുകൊണ്ടാണ് ജസ്റ്റിസ് വിജി അരുണിന്റെ ഉത്തരവ്. ലൈഫ് മിഷനെതിരായ അന്വേഷണം സ്റ്റേ ചെയ്തതിനൊപ്പം നിര്മാണ ക്മ്പനിയായ യൂണിടാക്കിന് എതിരെ അന്വേഷണം തുടരാമെന്നും കോടതി വ്യക്തമാക്കിയിരുന്നു.
ലൈഫ് മിഷന് ഇടപാടില് വിദേശ സംഭാവനാ ചട്ടത്തിന്റെ (എഫ്സിആര്എ) ലംഘനമുണ്ടെന്ന് ചൂണ്ടിക്കാട്ടിയാണ് സിബിഐ കേസ് രജിസ്റ്റര് ചെയ്തത്. എന്നാല് കേസില് എഫ്സിആര്എ നിലനില്ക്കില്ലെന്നു സര്ക്കാര് വാദിച്ചു. ഇതു പരിഗണിച്ചാണ് അന്വേഷണം സ്റ്റേ ചെയ്തുകൊണ്ടുള്ള കോടതി ഉത്തരവ്. കേസില് എഫ്സിആര്എ ബാധകമാവുമെന്നു സ്ഥാപിക്കാന് സിബിഐയ്ക്കായില്ലെന്ന് കോടതി ചൂണ്ടിക്കാട്ടി. ഹര്ജികളില് വിശദമായി വാദം കേള്ക്കുമെന്ന് കോടതി വ്യക്തമാക്കിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ