മലപ്പുറം : കോവിഡ് ചികിൽസയിലായിരുന്ന കഞ്ചാവ് കേസ് പ്രതി രക്ഷപ്പെട്ടു. പെരിന്തൽമണ്ണ ആലിപ്പറമ്പ് കാളിപ്പാടൻ വീട്ടിൽ യൂസഫ് (23) ആണ് രക്ഷപ്പെട്ടത്. മഞ്ചേരി മെഡിക്കൽ കോളജ് ആശുപത്രിയിൽനിന്നാണ് ഇയാൾ രക്ഷപ്പെട്ടത്.
വാർഡിലെ ഗ്രില്ലിന്റെ പൂട്ട് തകർത്താണ് ഇയാൾ കടന്നുകളഞ്ഞത്. കാളികാവ് പൊലീസ് അറസ്റ്റ് ചെയ്ത ഇയാളെ നേരത്തെ പയ്യനാട്ടെ സിഎഫ്എൽടിസിയിലാണ് പ്രവേശിപ്പിച്ചിരുന്നത്.
ന്യുമോണിയ കൂടിയതിനെത്തുടർന്നാണ് വിദഗ്ധ ചികിത്സയ്ക്കായി 3 ദിവസം മുൻപ് ഇയാളെ മെഡിക്കൽ കോളജ് ആശുപത്രിയിലേക്ക് മാറ്റിയത്. ആർഎംഒ മഞ്ചേരി പൊലീസിൽ പരാതി നൽകി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
