പ​ഞ്ച​ര​ത്ന​ങ്ങ​ളിൽ മൂന്ന് പേർക്ക് ഇന്ന് മിന്നുകെട്ട്, കണ്ണന് മുന്നിൽ മാം​ഗല്യം 

നാല് പെൺമക്കളുടെയും വിവാഹം ഒന്നിച്ച് നടത്താനാണ് നി​ശ്ച​യി​ച്ചി​രു​ന്നതെ​ങ്കി​ലും ലോ​ക്​​ഡൗ​ണി​നെ തു​ട​ർന്ന് മാ​റ്റു​ക​യാ​യി​രു​ന്നു
പ​ഞ്ച​ര​ത്ന​ങ്ങ​ളിൽ മൂന്ന് പേർക്ക് ഇന്ന് മിന്നുകെട്ട്, കണ്ണന് മുന്നിൽ മാം​ഗല്യം 

കൊച്ചി: ഒ​റ്റ​പ്ര​സ​വ​ത്തി​ൽ ജ​നി​ച്ച അഞ്ചു മക്ക​ളി​ൽ മൂ​ന്നു​പേ​ർ ഇന്ന് ഗു​രു​വാ​യൂ​രി​ൽ കണ്ണനുമുന്നിൽ വിവാഹിതരാകും. ഉത്ര, ഉത്തര, ഉത്തമ എന്നിവരാണ് വിവാഹിതരാകുന്നത്. 7.45-നും 8.30-നും മധ്യേ ആണ് താലികെട്ട്.

1995 ന​വം​ബ​ർ 19ന് ​ഒ​റ്റ​പ്ര​സ​വ​ത്തി​ൽ നി​മി​ഷ​ങ്ങ​ളു​ടെ ഇ​ട​വേ​ള​യി​ലാണ് തിരുവനന്തപുരം പോത്തൻകോട് സ്വദേശികളായ പ്രേംകുമാർ-രമാദേവി ദമ്പതിമാർക്ക്‌ അഞ്ച് മക്കൾ പിറന്നത്. നാ​ല് പെ​ൺ​കു​ട്ടി​ക​ളും ഒ​രു ആ​ൺ​കു​ട്ടി​യു​മാ​ണ്. 'പ​ഞ്ച​ര​ത്ന​ങ്ങ​ൾ' എന്ന പേരിൽ കുട്ടികൾ വാർത്തകളിൽ ഇടം പിടിച്ചു. ഇ​വ​രു​ടെ വീ​ടി​നും പ​ഞ്ച​ര​ത്ന​മെ​ന്നാ​ണ് പേ​ര്.

നാല് പെൺമക്കളുടെയും വിവാഹം ഒന്നിച്ച് ഏ​പ്രി​ൽ 26ന് നടത്താനാണ് നി​ശ്ച​യി​ച്ചി​രു​ന്നതെ​ങ്കി​ലും ലോ​ക്​​ഡൗ​ണി​നെ തു​ട​ർന്ന് മാ​റ്റു​ക​യാ​യി​രു​ന്നു. ഉ​ത്ര​ജ​യു​ടെ വ​ര​ൻ ആ​കാ​ശി​ന് കു​വൈ​ത്തി​ൽ​നി​ന്ന്​ നാ​ട്ടി​ലെ​ത്താ​ൻ ക​ഴി​യാ​ത്ത​തി​നാ​ൽ വി​വാ​ഹം മാ​റ്റിവെ​ച്ചി​രി​ക്കു​ക​യാ​ണ്. 

ഫാഷൻ ഡിസൈനറായ ഉത്രയെ മസ്‌കറ്റിൽ ഹോട്ടൽ മാനേജരായ ആയൂർ സ്വദേശി അജിത് കുമാറാണ് വിവാഹം ചെയ്യുന്നത്. മാധ്യമരംഗത്തുള്ള ഉത്തരയുടെ വരൻ മാധ്യമപ്രവർത്തകൻ തന്നെയായ കോഴിക്കോട് സ്വദേശി കെ ബി  മഹേഷ് കുമാറാണ്. അനസ്തീഷ്യ ടെക്‌നീഷ്യൻ ഉത്തമയെ മസ്‌കറ്റിൽ അക്കൗണ്ടന്റായ ജി വിനീത് ആണ് മിന്നുകെട്ടുന്നത്. ഉത്രജ കൊച്ചി അമൃത മെഡിക്കൽ കോളേജിൽ അനസ്തീഷ്യ ടെക്‌നീഷ്യനാണ്. വരൻ പത്തനംതിട്ട സ്വദേശി ആകാശ് കുവൈത്തിൽ അനസ്തീഷ്യ ടെക്‌നീഷ്യൻ തന്നെയാണ്. 

മക്കൾക്ക് പത്ത് വയസ്സുള്ളപ്പോഴാണ് പ്രേം​കു​മാ​ർ മ​രി​ച്ചത്. ര​മാ​ദേ​വി​ക്ക് സ​ർ​ക്കാ​ർ ഇ​ട​പെ​ട്ട് സ​ഹ​ക​ര​ണ ബാ​ങ്കി​െൻറ പോ​ത്ത​ൻ​കോ​ട് ശാ​ഖ‍യി​ൽ ബി​ൽ ക​ല​ക്ട​റാ​യി ജോ​ലി ന​ൽകി​യി​രു​ന്നു. അഞ്ചു മക്കൾക്കുമൊപ്പം വെള്ളിയാഴ്ച ഗുരുവായൂരിലെത്തിയ രമാദേവി കണ്ണന് സ്വർണത്തള കാണിക്കയും നൽകി. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com