ഇന്നും കൂടുതൽ രോ​ഗികൾ തിരുവനന്തപുരത്ത്; എറണാകുളമടക്കം നാല് ജില്ലകളിൽ നൂറിലധികം കേസുകൾ, കണക്കുകൾ ഇങ്ങനെ 

മലപ്പുറം, എറണാകുളം, കോഴിക്കോട്, തൃശൂർ ജില്ലകളിൽ നൂറിലധികം കേസുകൾ റിപ്പോർട്ട് ചെയ്തിട്ടുണ്ട്
ഇന്നും കൂടുതൽ രോ​ഗികൾ തിരുവനന്തപുരത്ത്; എറണാകുളമടക്കം നാല് ജില്ലകളിൽ നൂറിലധികം കേസുകൾ, കണക്കുകൾ ഇങ്ങനെ 

തിരുവനന്തപുരം: സംസ്ഥാനത്ത് 1140 പേർക്ക് കോവിഡ്-19 സ്ഥിരീകരിച്ചപ്പോൾ ഇന്നും കൂടുതൽ രോ​ഗികൾ തിരുവനന്തപുരം ജില്ലയിലാണ്. 227 പേർക്കാണ് ജില്ലയിൽ ഇന്ന് രോ​ഗം സ്ഥിരീകരിച്ചത്. മലപ്പുറം, എറണാകുളം, കോഴിക്കോട്, തൃശൂർ ജില്ലകളിൽ നൂറിലധികം കേസുകൾ റിപ്പോർട്ട് ചെയ്തിട്ടുണ്ട്. മലപ്പുറം 191, എറണാകുളം 161, കോഴിക്കോട്  155, തൃശൂർ  133 എന്നിങ്ങനെയാണ് ഇന്നത്തെ കോവിഡ് പോസിറ്റീവ് കേസുകൾ. 

കണ്ണൂർ ജില്ലയിൽ 77 പേർക്കും, കോട്ടയത്ത് 62 പേർക്കും, പാലക്കാട് 42 പേർക്കും, ആലപ്പുഴയിൽ 32 പേർക്കും, കൊല്ലത്ത് 25 പേർക്കും രോ​ഗബാധ സ്ഥിരീകരിച്ചു. കാസർഗോഡ് 15, പത്തനംതിട്ട 12, വയനാട് 8 പേർക്കുമാണ് ഇന്ന് രോഗ ബാധ സ്ഥിരീകരിച്ചത്.

ഇന്ന് രോഗം സ്ഥിരീകരിച്ചവരിൽ 14 പേർ വിദേശ രാജ്യങ്ങളിൽ നിന്നും 36 പേർ മറ്റ് സംസ്ഥാനങ്ങളിൽ നിന്നും വന്നതാണ്. 1059 പേർക്ക് സമ്പർക്കത്തിലൂടെയാണ് രോഗം ബാധിച്ചത്. അതിൽ 158 പേരുടെ സമ്പർക്ക ഉറവിടം വ്യക്തമല്ല. 20 ആരോഗ്യ പ്രവർത്തകർക്കും ഇന്ന് രോഗം സ്ഥിരീകരിച്ചു. കണ്ണൂർ  6, തൃശൂർ 5, തിരുവനന്തപുരം, എറണാകുളം ജില്ലകളിൽ രണ്ട് വീതവും, കൊല്ലം, പത്തനംതിട്ട, കോഴിക്കോട്, മലപ്പുറം, വയനാട് ജില്ലകളിലെ ഒന്ന് വീതവും ആരോഗ്യ പ്രവർത്തകർക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 2111 പേരുടെ പരിശോധനാഫലം നെഗറ്റീവ് ആയി. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com