ഇന്ന് തിരുവനന്തപുരത്തും കോഴിക്കോടും 200ലധികം രോഗികൾ, ആറ് ജില്ലകളിൽ നൂറിലേറെ; കോവിഡ് കണക്കുകൾ ഇങ്ങനെ
By സമകാലികമലയാളം ഡെസ്‌ക്‌ | Published: 02nd September 2020 06:09 PM |
Last Updated: 02nd September 2020 06:09 PM | A+A A- |
തിരുവനന്തപുരം: സംസ്ഥാനത്ത് ഇന്ന് 1547 പേർക്ക് കോവിഡ്-19 സ്ഥിരീകരിച്ചപ്പോൾ തിരുവനന്തപുരം കോഴിക്കോട് ജില്ലകളിലാണ് കൂടുതൽ കേസുകൾ റിപ്പോർട്ട് ചെയ്തിരിക്കുന്നത്. തിരുവനന്തപുരത്ത് 228 പേർക്കും കോഴിക്കോട് 204 പേർക്കുമാണ് രോഗബാധ കണ്ടെത്തിയത്. ആലപ്പുഴ, മലപ്പുറം, കോട്ടയം, കണ്ണൂർ, എറണാകുളം, തൃശൂർ എന്നീ ജില്ലകളിൽ ഇന്ന് നൂറിലേറെ പേർക്ക് വൈറസ് ബാധ സ്ഥിരീകരിച്ചിട്ടുണ്ട്.
ആലപ്പുഴ ജില്ലയിൽ 159 പേർക്കും, മലപ്പുറത്ത് 146 പേർക്കും, കോട്ടയം ജില്ലയിൽ 145 പേർക്കും രോഗം സ്ഥിരീകരിച്ചു. കണ്ണൂർ 142, എറണാകുളം 136, തൃശൂർ 121 എന്നീ ജില്ലകളിലാണ് നൂറിലേറെ ആളുകൾക്ക് രോഗം സ്ഥിരീകിരിച്ചത്. കാസർഗോഡ് 88, കൊല്ലം 81, വയനാട് 38, പാലക്കാട് 30 , പത്തനംതിട്ട 17 , ഇടുക്കി 12 പേർക്കുമാണ് ഇന്ന് രോഗ ബാധ സ്ഥിരീകരിച്ചത്.
ഇന്ന് രോഗം സ്ഥിരീകരിച്ചവരിൽ 21 പേർ വിദേശ രാജ്യങ്ങളിൽ നിന്നും 65 പേർ മറ്റ് സംസ്ഥാനങ്ങളിൽ നിന്നും വന്നതാണ്. 1419 പേർക്ക് സമ്പർക്കത്തിലൂടെയാണ് രോഗം ബാധിച്ചത്. അതിൽ 156 പേരുടെ സമ്പർക്ക ഉറവിടം വ്യക്തമല്ല. 36 ആരോഗ്യ പ്രവർത്തകർക്കാണ് ഇന്ന് രോഗം ബാധിച്ചത്. തിരുവനന്തപുരം ജില്ലയിലെ 16, മലപ്പുറം ജില്ലയിലെ 5, എറണാകുളം, കണ്ണൂർ ജില്ലകളിലെ 3 വീതവും, കൊല്ലം, ആലപ്പുഴ, തൃശൂർ ജില്ലകളിലെ 2 വീതവും, കോഴിക്കോട്, വയനാട്, കാസർഗോഡ് ജില്ലകളിലെ ഒന്നും വീതവും ആരോഗ്യ പ്രവർത്തകർക്കാണ് രോഗം ബാധിച്ചത്.
