കുണ്ടള അണക്കെട്ടിൽ ജലനിരപ്പ് ഉയർന്നു; റെഡ് അലർട്ട്

ജലം ഒഴുകുന്ന പാതയുടെ ഇരുകരകളിലുമുള്ള പൊതുജനങ്ങൾ ജാഗരൂകരായിരിക്കണമെന്ന് ജില്ലാഭരണകൂടം നിർദേശിച്ചു
കുണ്ടള അണക്കെട്ടിൽ ജലനിരപ്പ് ഉയർന്നു; റെഡ് അലർട്ട്

പൈനാവ് : പള്ളിവാസൽ ജലവൈദ്യുത പദ്ധതിയുടെ ഭാഗമായ കുണ്ടള ജലസംഭരണിയിലെ നിലവിലുള്ള ജലനിരപ്പ് ഉയർന്നതോടെ ജില്ലാ ഭരണകൂടം റെഡ് അലർട്ട് പുറപ്പെടുവിച്ചു. കുണ്ടള ജലസംഭരണിയിലെ  ജലനിരപ്പ് 1757.00 മീറ്ററായിട്ടാണ് ഉയർന്നിരിക്കുന്നത്.  

ഈ സാഹചര്യത്തിൽ അധിക ജലം സ്പിൽവേ വഴി ഒഴുക്കികളയുന്നതിന്റെ ഭാഗമായി മൂന്നാം ഘട്ട മുന്നറിയിപ്പായിട്ടാണ് റെഡ്_അലർട്ട് പ്രഖ്യാപിച്ചിരിക്കുന്നത്. കുണ്ടള ജലസംഭരണിയുടെ പരമാവധി സംഭരണശേഷി : 1758.69 മീറ്ററാണ്.

കുണ്ടള ജലസംഭരണിയിൽ നിന്നും ജലം പുറത്തേക്ക് ഒഴുക്കേണ്ട സാഹചര്യം ഉണ്ടായാൽ ജലം ഒഴുകുന്ന പാതയുടെ ഇരുകരകളിലുമുള്ള പൊതുജനങ്ങൾ ജാഗരൂകരായിരിക്കണമെന്ന് ജില്ലാഭരണകൂടം നിർദേശിച്ചു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com