കൊച്ചി : മോഷ്ടിച്ച ബൈക്കുമായി പാഞ്ഞ കള്ളൻ വാഹനാപകടത്തിൽ പെട്ടു. കള്ളൻ ഓടിച്ച ബൈക്ക് ഇടിച്ചതാകട്ടെ, ആ വണ്ടിയുടെ ഉടമ ഓടിച്ച കെഎസ്ആർടിസി ബസിലും. കൊച്ചി ഉദയംപേരൂർ നടക്കാവിനു സമീപം വ്യാഴാഴ്ച വൈകീട്ടായിരുന്നു നാടകീയ സംഭവം.
ബസിന്റെ പിന്നിൽ ബൈക്കിടിച്ച് വീണയാളെ എഴുന്നേൽപ്പിക്കുന്നതിനിടെയാണ് ബസ് ഡ്രൈവറായ ബിജു അനി സേവ്യർ ബൈക്ക് ശ്രദ്ധിച്ചത്. കോട്ടയത്ത് ഡിപ്പോയിൽ പാർക്ക് ചെയ്തിരുന്ന തന്റെ ബൈക്കാണെന്ന് മനസ്സിലായതോടെ യുവാവിനെ കൈയോടെ പിടികൂടി ചോദ്യം ചെയ്തു.
ചങ്ങനാശ്ശേരി സ്വദേശി ജിജോ എന്ന യുവാവാണ് പിടിയിലായത്. ഇയാളെ ഉദയംപേരൂർ പൊലീസെത്തി കസ്റ്റഡിയിലെടുത്തു. യുവാവിന്റെ പക്കൽ നാല് മൊബൈൽ ഫോണുകളും ഉണ്ടായിരുന്നതായി പൊലീസ് പറഞ്ഞു. ബൈക്ക് കാണാതായതിന് ബിജു കോട്ടയം പൊലീസിൽ പരാതി നൽകിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
