പൊലീസ് ആസ്ഥാനത്തിന് മുന്നില് യൂത്ത് കോണ്ഗ്രസ് പ്രതിഷേധം; എംഎല്എമാരെ അറസ്റ്റ് ചെയ്തു
തിരുവനന്തപുരം: പൊലീസ് അതിക്രമത്തില് പ്രതിഷേധിച്ച് പൊലീസ് ആസ്ഥാനത്തിന് മുന്നില് യൂത്ത് കോണ്ഗ്രസ് പ്രതിഷേധം.മന്ത്രി കെടി ജലീലിന്റെ രാജി ആവശ്യപ്പെട്ട് പ്രതിഷേധിച്ച പാര്ട്ടി പ്രവര്ത്തകര്ക്കെതിരെയും എംഎല്എമാര്ക്ക് നേരെയും ഉണ്ടായ പൊലീസ് അക്രമണത്തിനെതിരെയായിരുന്നു പ്രതിഷേധം. എംഎല്എമാരായ ഷാഫി പറമ്പില്, കെഎസ് ശബരീനാഥന് എന്നിവരുടെ നേതൃത്വത്തിലായിരുന്നു പ്രതിഷേധം.
കുത്തിയിരുന്ന് പതിഷേധിച്ച എംഎല്എമാരെ പൊലീസ് അറസ്റ്റ് ചെയ്തുനീക്കി. പൊലീസ് മര്ദ്ദനത്തില് പരിക്കേറ്റ പ്രവര്ത്തകരുടെ ചിത്രം ഉയര്ത്തിപ്പിടിച്ചായിരുന്നു പ്രതിഷേധം. ആദ്യഘട്ടത്തില് പിന്മാറാന് പൊലീസ് ആവശ്യപ്പെട്ടെങ്കിലും ഇത് കേള്ക്കാന് തയ്യാറായില്ല. ആദ്യം പ്രവര്ത്തകരെ പൊലീസ് അറസ്റ്റു ചെയ്തു. അതിന് പിന്നാലെ എംഎല്എമാരെയും പൊലീസ് അറസ്റ്റ് ചെയ്യുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ