കോഴിക്കോട് : കരിപ്പൂര്‍ വിമാനത്താവളത്തില്‍ വീണ്ടും സ്വര്‍ണവേട്ട. 17 ലക്ഷം രൂപയുടെ സ്വര്‍ണവുമായി യാത്രക്കാരന്‍ പിടിയിലായി. ഷാര്‍ജയില്‍ നിന്നെത്തിയ കാസര്‍കോട് കോട്ടിക്കുളം സ്വദേശി ഖാദറാണ് പിടിയിലായത്.
350 ഗ്രാം സ്വര്‍ണമാണ് ഇയാളില്‍ നിന്നും പിടികൂടിയത്. ഇന്നലെയും കരിപ്പൂരില്‍ സ്വര്‍ണം പിടികൂടിയിരുന്നു. ഒരു കിലോ 850 ഗ്രാം സ്വര്‍ണമാണ് പിടികൂടിയത്. സ്വര്‍ണം കടത്തിയ മലപ്പുറം സ്വദേശി അബ്ദുള്‍ അസീസ് അറസ്റ്റിലായി.
മിക്‌സി മോട്ടറിന്റെ അകത്തുള്ള പ്ലാസ്റ്റിക് കവറിനോട് ചേര്‍ന്ന് പതിപ്പിച്ച നിലയിലാണ് സ്വര്‍ണം ഒളിപ്പിച്ചിരുന്നത്. പിടികൂടിയ സ്വര്‍ണത്തിന് 95.35 ലക്ഷം രൂപ വില വരുമെന്നാണ് കസ്റ്റംസ് വിലയിരുത്തല്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
