ഹൈക്കോടതിയില്‍ അഞ്ച് സ്ഥിരം ജഡ്ജിമാര്‍ കൂടി

ബോംബെ ഹൈക്കോടതിയില്‍ 10 പേരെയും ഛത്തീസ്ഗഡ് ഹൈക്കോടതിയില്‍ ഒരു ജഡ്ജിയെയും സ്ഥിരപ്പെടുത്താനുള്ള ശുപാര്‍ശയും  അംഗീകരിച്ചിട്ടുണ്ട്
കേരള ഹൈക്കോടതി/ഫയല്‍ ചിത്രം
കേരള ഹൈക്കോടതി/ഫയല്‍ ചിത്രം

കൊച്ചി : കേരള ഹൈക്കോടതിയില്‍ അഞ്ച് സ്ഥിരം ജഡ്ജിമാര്‍ കൂടി. ഹൈക്കോടതിയിലെ അഡീഷണല്‍ ജഡ്ജിമാരായ സി എസ് ഡയസ്, പി വി കുഞ്ഞികൃഷ്ണന്‍, ടി ആര്‍ രവി, ബെച്ചു കുര്യന്‍ തോമസ്, പി ഗോപിനാഥ് എന്നിവരെ സ്ഥിരപ്പെടുത്താനുള്ള ശുപാര്‍ശ സുപ്രീംകോടതി കൊളീജിയം അംഗീകരിച്ചു. 

ജസ്റ്റിസ് ഡയസിനെ 2019 നവംബര്‍ 18നും ജസ്റ്റിസ് കുഞ്ഞികൃഷ്ണനെ 2020 ഫെബ്രുവരി 12നും ജസ്റ്റിസുമാരായ രവി, ബെച്ചു കുര്യന്‍ തോമസ്, ഗോപിനാഥ് എന്നിവരെ 2020 മാര്‍ച്ച് 6നുമാണ് അഡീഷണല്‍ ജഡ്ജിമാരായി നിയമിച്ചത്.

ബോംബെ ഹൈക്കോടതിയില്‍ 10 പേരെയും ഛത്തീസ്ഗഡ് ഹൈക്കോടതിയില്‍ ഒരു ജഡ്ജിയെയും സ്ഥിരപ്പെടുത്താനുള്ള ശുപാര്‍ശയും കൊളീജിയം അംഗീകരിച്ചിട്ടുണ്ട്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com