കൊച്ചി: വിഷുവിന് ദിവസങ്ങൾ മാത്രം ശേഷിക്കെ കണിവെള്ളരിയുടെ വിലയിൽ വർദ്ധന. കഴിഞ്ഞ ദിവസങ്ങളിൽ കിലോയ്ക്ക് 18 രൂപയായിരുന്ന കണിവെള്ളരിയുടെ വില ഇന്നലെ 24 രൂപയായി ഉയർന്നു. ഇന്നും നാളെയുമായി ചെറിയ വർദ്ധനവു കൂടി ഉണ്ടാകാൻ സാദ്ധ്യതയുണ്ടെന്ന് കച്ചവടക്കാർ പറയുന്നു.
ഒരു കണിവെള്ളരിയുടെ തൂക്കം 500 മുതൽ 750 ഗ്രാം വരെയാണ്. പൊള്ളാച്ചി, മധുര, തിരുനെൽവേലി എന്നിവിടങ്ങളിൽ നിന്നാണ് കേരളത്തിലേക്ക് കൂടുതലായും കണിവെള്ളരി എത്തുന്നത്. വിഷു പ്രമാണിച്ച് കഴിഞ്ഞ ദിവസങ്ങളിലാണ് ഇവ കൂടുതലായി വിപണിയിൽ സ്ഥാനംപിടിച്ചത്. നാടൻ കണിവെള്ളരിയും വിപണിയിൽ സജീവമായിട്ടുണ്ട്. വിഷുക്കണി ഒരുക്കുന്നതിലെ ഒഴിച്ചുകൂടാനാകാത്ത ഒന്നായതിനാൽ വിലയേറിയാലും കണിവെള്ളരിക്ക് ആവശ്യക്കാർ ഏറെയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ