കൊച്ചി : കോവിഡ്-19 വ്യാപനം വര്ധിക്കുന്ന സാഹചര്യത്തില് വീട്ടിലിരുന്ന് ഡോക്ടറെ കാണാന് കഴിയുന്ന ടെലി മെഡിസിന് കണ്സള്ട്ടേഷന് ഇ - സഞ്ജീവനി പദ്ധതി ജില്ലയില് കൂടുതല് ശക്തിപ്പെടുത്തി. കോവിഡ് കാലത്ത് പരമാവധി ആശുപത്രി സന്ദര്ശനം ഒഴിവാക്കി വീട്ടില് ഇരുന്നുകൊണ്ടുതന്നെ ചികിത്സ തേടാന് കഴിയുന്നതാണ് ഇ-സഞ്ജീവനി. ഇപ്പോള് സാധാരണ ഒപിക്ക് പുറമേ എല്ലാ ദിവസവും സ്പെഷ്യാലിറ്റി ഡോക്ടര്മാരുടെ സേവനവും ഉറപ്പ് വരുത്തിയിട്ടുണ്ട്.
ഇ-സഞ്ജീവനിയില് ചികിത്സ പൂര്ണമായും സൗജന്യമാണ്. ആശുപത്രി സന്ദര്ശനങ്ങള് ഒഴിവാക്കി രോഗിക്ക് ഓണ്ലൈന് വഴി സൗകര്യമുള്ള സ്ഥലത്ത് ഇരുന്ന് ചികിത്സ തേടാമെന്നതാണ് ഈ സഞ്ജീവിനി സംവിധാനം ഉറപ്പുവരുത്തുന്നത്. നിര്ദേശിക്കുന്ന സമയത്ത് വീഡിയോ കോളിലൂടെ ഡോക്ടറെ കണ്ട് രോഗ വിവരങ്ങള് അറിയിക്കാം.ജനറല്, ജീവിതശൈലി രോഗങ്ങള്, മാനസികാരോഗ്യ ക്ലിനിക്കുകള്, ഡെര്മറ്റോളജി, ക്യാന്സര് കൗമാര ക്ലിനിക്കുകള്, ഡി ഇ ഐ സി സേവനങ്ങള്, നവജാത ശിശു വിഭാഗം ഒ പി , പോസ്റ്റ് കോവിഡ് ഒ പി എന്നിവയും ഇ- സഞ്ജീവനിയുടെ ലഭ്യമാകുന്നതാണ്. കണ്സള്ട്ടേഷന് ശേഷം ഇ-സഞ്ജീവനിയിലൂടെ ലഭിക്കുന്ന കുറുപ്പടി തൊട്ടടുത്ത സര്ക്കാര് ആശുപത്രിയില് കാണിച്ചാല് ലഭ്യമായ മരുന്നുകളും പരിശോധനകളും സൗജന്യമായി ലഭിക്കുന്നു.
എല്ലാ ആരോഗ്യ ആവശ്യങ്ങള്ക്കും ഇ-സഞ്ജീവിനി ടെലി മെഡിസിന് സേവനങ്ങളെ ആശ്രയിക്കാവുന്നതാണ്.എല്ലാ ദിവസവും രാവിലെ 8 മണി മുതല് രാത്രി 8 മണിവരെയാണ് ജനറല് ഒപി പ്രവര്ത്തിക്കുന്നത്. ഏത് വിധത്തിലുള്ള അസുഖങ്ങള്ക്കും ചികിത്സ സംബന്ധമായ സംശയങ്ങള്ക്കും സേവനം തേടാം. സ്പെഷ്യാലിറ്റി, സൂപ്പര് സ്പെഷ്യാലിറ്റി സേവനങ്ങള് ആവശ്യമുള്ളവരെ അതാത് വിഭാഗങ്ങളിലേക്ക് റഫര് ചെയ്യുന്നു. നവജാത ശിശു വിഭാഗം ഒപി (തിങ്കള് മുതല് ശനിവരെ രാവിലെ 10 മുതല് 1 മണിവരെ), സൈക്യാട്രി ഒപി (തിങ്കള് മുതല് വെള്ളി വരെ 9 മുതല് 1 വരെ), പോസ്റ്റ് കോവിഡ് ഒ.പി. (എല്ലാ ദിവസവും സമയം 9 മുതല് 5 വരെ), ഡി.ഇ.ഐ.സി. ഒ.പി. (തിങ്കള് മുതല് വെള്ളിവരെ 10 മുതല് 4 വരെ), കൗമാര ക്ലിനിക്ക് (തിങ്കള് മുതല് വെള്ളിവരെ 10 മുതല് 4 വരെ) തുടങ്ങിയ സ്പെഷ്യാലിറ്റി ഒപികളും പ്രവര്ത്തിക്കുന്നു.
എങ്ങനെ വീട്ടിലിരുന്ന് ഡോക്ടറെ കാണാം?
https://esanjeevaniopd.in/ എന്ന ഓണ്ലൈന് സൈറ്റ് സന്ദര്ശിക്കുകയോ അല്ലെങ്കില് ഇ-സഞ്ജീവനി ആപ്ലിക്കേഷന് https://play.google.com/store/apps/details?id=in.hied.esanjeevaniopd&hl=en_US മൊബൈലില് ഡൗണ്ലോഡ് ചെയ്ത് ഉപയോഗിക്കുകയോ ചെയ്യാവുന്നതാണ്.
ഇന്റര്നെറ്റ് സൗകര്യമുള്ള മൊബൈലോ ലാപ്ടോപോ അല്ലെങ്കില് ടാബ് ഉണ്ടങ്കില് ലമെിഷലല്മിശീുറ.ശി എന്ന സൈറ്റില് പ്രവേശിക്കാം.
ആ വ്യക്തി ഉപയോഗിക്കുന്ന ആക്ടീവായ മൊബൈല് നമ്പര് ഉപയോഗിച്ചു രജിസ്റ്റര് ചെയ്യുക.
തുടര്ന്ന് ലഭിക്കുന്ന ഒടിപി നമ്പര് ഉപയോഗിച്ച് ലോഗിന് ചെയ്ത ശേഷം പേഷ്യന്റ് ക്യൂവില് പ്രവേശിക്കാം.
വീഡിയോ കോണ്ഫറന്സ് വഴി ഡോക്ടറോട് നേരിട്ട് രോഗ വിവരത്തെപ്പറ്റി സംസാരിക്കാവുന്നതാണ്. ഓണ്ലൈന് കണ്സള്ട്ടേഷന് ശേഷം മരുന്ന് കുറിപ്പടി ഉടന് തന്നെ ഡൗണ്ലോഡ് ചെയ്ത് മരുന്നുകള് വാങ്ങാനും പരിശോധനകള് നടത്താനും സാധിക്കുന്നു. സംശയങ്ങള്ക്ക് ദിശ 1056 എന്ന നമ്പരില് വിളിക്കാവുന്നതാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ