അമ്പലപ്പുഴ: ആറ് വയസുകാരിയെ ലൈംഗികമായി പീഡിപ്പിച്ചയാളെ പൊലീസ് അറസ്റ്റ് ചെയ്തു. അമ്പലപ്പുഴ വടക്ക് ഗ്രാമ പഞ്ചായത്ത് ഒമ്പതാം വാര്‍ഡ് കൊപ്പാറക്കടവ് വടക്കന്‍ പറമ്പില്‍ ക്രിസ്റ്റഫര്‍ (60) ആണ് അറസ്റ്റിലായത്.
മൂന്ന് ദിവസം മുന്‍പായിരുന്നു സംഭവം. അയല്‍വാസിയായ കുട്ടി ഇയാളുടെ വീട്ടിലെ കുട്ടികള്‍ക്കൊപ്പം കളിക്കാനെത്തിയിരുന്നു. അതിനിടയില്‍ പീഡിപ്പിച്ചുവെന്നാണ് കുട്ടിയുടെ മാതാപിതാക്കള്‍ പരാതിയില്‍ പറയുന്നത്.
കഴിഞ്ഞ ദിവസമാണ് കുട്ടി വിവരം വീട്ടില്‍ അറിയിച്ചത്. തുടര്‍ന്ന് മാതാപിതാക്കള്‍ പരാതി നല്‍കുകയായിരുന്നു. പ്രതിയെ റിമാന്‍ഡ് ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
