തിരുവനന്തപുരം: സംസ്ഥാനത്തെ ഹയർ സെക്കൻഡറി, വൊക്കേഷണൽ ഹയർ സെക്കൻഡറി പരീക്ഷകൾ ഇന്ന് പൂർത്തിയാകും. ഹോം സയൻസ്, ഗാന്ധിയൻ സ്റ്റഡീസ്, ഫിലോസഫി, ജേണലിസം, കമ്പ്യൂട്ടർ സയൻസ്, സ്റ്റാറ്റിസ്റ്റിക്സ് വിഷയങ്ങളിലാണ് ഇന്ന് രണ്ടാംവർഷ ഹയർ സെക്കൻഡറി പരീക്ഷ, വിഎച്ച്എസ്ഇയിൽ വൊക്കേഷനൽ തിയറിയാണ് പരീക്ഷ. 28 മുതൽ പ്ലസ് ടു പ്രാക്ടിക്കൽ പരീക്ഷ തുടങ്ങാനാണ് തീരുമാനം.
4,46,471 ലക്ഷം വിദ്യാർഥികളാണ് ഇക്കുറി ഹയർ സെക്കൻഡറി പരീക്ഷ എഴുതുന്നത്. വിഎച്ച്എസ്ഇ പരീക്ഷ 28,565 പേർ എഴുതുന്നുണ്ട്. കോവിഡ് വ്യാപന സാഹചര്യത്തിൽ പ്രാക്ടിക്കൽ പരീക്ഷകൾ നടത്തുന്നതിലെ അധ്യാപകസംഘടനകളുടെ പരാതിയിൽ മനുഷ്യാവകാശ കമീഷൻ തീരുമാനമെടുക്കും. ഇതിൽ കമീഷൻ അയച്ച നോട്ടീസിന് പൊതുവിദ്യാഭ്യാസ ഡയറക്ടർ ഇന്ന് മറുപടി നൽകും.
മേയ് 15നകം പ്രാക്ടിക്കൽ പരീക്ഷകൾ പൂർത്തിയാക്കാനാണ് നിലവിലെ തീരുമാനം. ഹയർ സെക്കൻഡറി ഉത്തരക്കടലാസുകളുടെ മൂല്യനിർണയം മേയ് 10ന് തുടങ്ങും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ