വിവാഹത്തില്‍ നിലപാട് അറിയിക്കില്ല, റോബിന്റെ ജാമ്യത്തെ കേരളം എതിര്‍ക്കും

By സമകാലിക മലയാളം ഡെസ്‌ക്‌  |   Published: 02nd August 2021 10:14 AM  |  

Last Updated: 02nd August 2021 10:14 AM  |   A+A-   |  

robin

ഫാ. റോബിന്‍/ഫയല്‍

 

ന്യൂഡല്‍ഹി: കൊട്ടിയൂര്‍ പീഡന കേസില്‍ ശിക്ഷിക്കപ്പെട്ട മുന്‍ വൈദികന്‍ റോബിന്‍ വടക്കുംചേരിയുടെ ജാമ്യാപേക്ഷയെ സുപ്രീം കോടതിയില്‍ കേരളം എതിര്‍ക്കും. വിവാഹത്തിനായി ജാമ്യം അനുവദിക്കണമെന്ന് ആവശ്യപ്പെട്ട് റോബിന്‍ വടക്കുംചേരിയും കേസിലെ ഇരയുമാണ് ഹര്‍ജികള്‍ നല്‍കിയിട്ടുള്ളത്. ഇരുവരുടെയും വിവാഹത്തില്‍ സംസ്ഥാനം പ്രത്യേക നിലപാട് അറിയിക്കില്ല.

കേസിലെ ഇരയെ വിവാഹം കഴിക്കാന്‍ ജാമ്യം അനുവദിക്കണം എന്നാണ് സുപ്രീം കോടതിയില്‍ റോബിന്‍ വടക്കുംചേരി നല്‍കിയ ഹര്‍ജിയില്‍ ആവശ്യപ്പെട്ടിരിക്കുന്നത്. റോബിനെ വിവാഹം കഴിക്കാന്‍ അനുവദിക്കണമെന്നും ഇതിനായി അദ്ദേഹത്തിനു രണ്ട് മാസത്തെ ജാമ്യം അനുവദിക്കണം എന്നും പെണ്‍കുട്ടിയും കോടതിയില്‍ ഫയല്‍ ചെയ്ത ഹര്‍ജിയില്‍ ആവശ്യപ്പെട്ടിട്ടുണ്ട്. 

പ്രായപൂര്‍ത്തിയായ രണ്ട് പേര്‍ക്ക് വിവാഹം കഴിക്കാനുള്ള തീരുമാനം എടുക്കാം എന്നതിനാല്‍ വിവാഹം കഴിക്കണം എന്ന റോബിന്‍ വടക്കുംചേരിയുടെയും ഇരയുടെയും ആവാശ്യത്തില്‍ കേരളം നിലപാട് അറിയിക്കില്ല. അതേസമയം അതിനായി ജാമ്യം നല്‍കണമെന്ന ആവശ്യത്തെ എതിര്‍ക്കും.

വിവാഹത്തിന് കോടതി അനുമതി നല്‍കിയാല്‍ ജയിലില്‍ വച്ച് വിവാഹം നടക്കട്ടെ എന്ന നിലപാടാകും കേരളം കോടതിയില്‍ സ്വീകരിക്കുക എന്നാണ് സൂചന.