കണ്ണൂര്: അനധികൃതമായി വാഹനത്തിൽ രൂപമാറ്റം വരുത്തിയതിന് പിഴ നൽകാമെന്നും ജാമ്യം നൽകണമെന്നും അറസ്റ്റിലായ വ്ലോഗർ സഹോദരങ്ങൾ കോടതിയിൽ. ഇ ബുള് ജെറ്റ് വ്ലോഗര്മാരുടെ ജാമ്യാപേക്ഷ കണ്ണൂര് മുന്സിഫ് കോടതി പന്ത്രണ്ടാം തീയതി പരിഗണിക്കും. പൊതുമുതല് നശിപ്പിച്ചതടക്കം പത്തിലേറെ വകുപ്പുകളാണ് ഇവര്ക്കെതിരെ ചുമത്തിയിരിക്കുന്നത്.
കണ്ണൂര് കലക്ടറേറ്റിലെ ആര്ടിഒ ഓഫീസില് സംഘര്ഷമുണ്ടാക്കിയെന്ന പതായിലാണ് സഹോദരങ്ങളായ ലിബിനെയും എബിനെയും പൊലീസ് അറസ്റ്റ് ചെയ്തത്.നെപ്പോളിയന് എന്ന് പേരിട്ടിരിക്കുന്ന വാഹനത്തിന് ഓള്ട്ടറേഷന് വരുത്തിയതുമായി ബന്ധപ്പെട്ട് കഴിഞ്ഞ ദിവസം ഇവരുടെ വാന് കണ്ണൂര് ആര്ടിഒ ഉദ്യോഗസ്ഥര് കസ്റ്റഡിയിലെടുത്തിരുന്നു. ഇക്കാര്യത്തിലെ തുടര് നടപടികള്ക്കായി ഇവരോട് ഓഫീസില് ഹാജരാവാനും ആവശ്യപ്പെട്ടു. ചൊവ്വാഴ്ച ഇരുവരും ആര്ടിഒ ഓഫീസിലെത്തി സംഘര്ഷമുണ്ടാക്കുകയായിരുന്നു.
വാന് ആര്ടിഒ കസ്റ്റഡിയില് എടുത്ത കാര്യം ഇവര് സാമൂഹ്യ മാധ്യമങ്ങളില് വീഡിയോയായി പങ്കുവച്ചിരുന്നു. ഇതേ തുടര്ന്ന് ഇവരുടെ ആരാധകരായ നിരവധിപേര് കണ്ണൂര് ആര്ടിഒ ഓഫീസിലേക്ക് എത്തി. ഒടുവില് വ്ലോഗര്മാരും ഉദ്യോഗസ്ഥരും തമ്മില് വാക്കുതര്ക്കമാവുകയും തുടര്ന്ന് കണ്ണൂര് ടൗണ് പൊലീസ് സ്ഥലത്ത് എത്തി ഇരുവരേയും കസ്റ്റഡിയിലെടുക്കുകയുമായിരുന്നു. തങ്ങളെ തകര്ക്കാന് ആസൂത്രിതമായി നീക്കം നടക്കുന്നുണ്ടെന്നും വാന് ലൈഫ് വീഡിയോ ഇനി ചെയ്യില്ലെന്നും ഇ ബുള് ജെറ്റ് കഴിഞ്ഞ ദിവസം പ്രഖ്യാപിച്ചിരുന്നു
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ