കൊച്ചി: ഇരുചക്ര വാഹനത്തിൽ ഭർത്താവിനൊപ്പം സഞ്ചരിക്കവേ റോഡിൽ വീണ് വീട്ടമ്മ മരിച്ചു. വാഹനം റോഡിലെ കുഴിയിൽ ചാടിയതിനെ തുടർന്ന് കുഴിയിൽ വീണ് തലയ്ക്കു പരുക്കേറ്റാണ് മരിച്ചത്. കൊച്ചുപറമ്പിൽ സലാമിന്റെ ഭാര്യ സുബൈദയാണ് (47) മരിച്ചത്.
രാത്രി 7 മണിയോടെ പാലസ് റോഡിലാണ് അപകടമുണ്ടായത്. റോഡിലേക്ക് തെറിച്ചു വീണ സുബൈദ റോഡരികിലെ കാനയുടെ സ്ലാബിൽ തലയടിച്ചു പരുക്കേറ്റു. ഉടൻതന്നെ സ്വകാര്യ ആശുപത്രിയിൽ എത്തിച്ചെങ്കിലും ചികിത്സയിലിരിക്കെ ബുധനാഴ്ച രാത്രി മരിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
