ഫെയ്സ്ബുക്ക് കാമുകനൊപ്പം നാടുവിട്ടു ; മലയാളി വീട്ടമ്മയുടെ മൃതദേഹം കത്തിക്കരിഞ്ഞ നിലയിൽ തമിഴ്നാട്ടിൽ

വിവാഹം കഴിക്കാതെ ഇവിടെ  യുവാവിനൊപ്പം ഒരുമിച്ചു കഴിയുകയായിരുന്നു
പ്രതീകാത്മക ചിത്രം
പ്രതീകാത്മക ചിത്രം

ചെന്നൈ : ഫെയ്സ്ബുക്കിലൂടെ പരിചയപ്പെട്ട കാമുകനൊപ്പം വീടുവിട്ട യുവതിയുടെ മൃതദേഹം കത്തിക്കരിഞ്ഞ നിലയിൽ.  തിരുവനന്തപുരം സ്വദേശിനി രഞ്ജിനി (32)യുടെ മൃതദേഹമാണ് തമിഴ്നാട്ടിലെ കൃഷ്ണഗിരിയിലെ കാവേരിപ്പട്ടണത്തിനു സമീപത്തു നിന്നും കണ്ടെത്തിയത്.

ഫെയ്സ്ബുക്കിലൂടെ പരിചയപ്പെട്ട സൂര്യ എന്ന യുവാവിനൊപ്പം  ജീവിക്കാനാണ് രഞ്ജിനി ഭർത്താവിനേയും ബന്ധുക്കളേയും ഉപേക്ഷിച്ചു തമിഴ്നാട്ടിലെത്തിയത്. വിവാഹം കഴിക്കാതെ ഇവിടെ  യുവാവിനൊപ്പം ഒരുമിച്ചു കഴിയുകയായിരുന്നു. നാലുമാസത്തോളം കാവേരിപ്പട്ടണത്തുള്ള വസ്ത്രശാലയിൽ ജോലി ചെയ്തിരുന്നു. 

ഒരാഴ്ച ഡൽഹിയിൽ പോയി മടങ്ങിയെത്തിയ രഞ്ജിനി യാത്രയെപ്പറ്റിയുള്ള വിവരങ്ങൾ വെളിപ്പെടുത്താതിരുന്നതിനെച്ചൊല്ലി സൂര്യയുമായി തർക്കമുണ്ടായി. ഇന്നലെ മുതൽ കാണാതായ രഞ്ജിനിയുടെ മൃതദേഹം കത്തിക്കരിഞ്ഞ നിലയിൽ കണ്ടെത്തുകയായിരുന്നു.

ആത്മഹത്യാക്കുറിപ്പും കണ്ടെത്തിയിട്ടുണ്ട്.  മാനസിക വിഷമത്തെ തുടർന്ന് താൻ മരിക്കുകയാണെന്നാണ് കത്തിൽ പറയുന്നത്. രഞ്ജിനിയുടെ മരണത്തിന് പിന്നാലെ സൂര്യ ഒളിവിൽ പോയി. ഇയാളെ കണ്ടെത്താനായി തിരച്ചിൽ ഊർജ്ജിതമാക്കിയതായി പൊലീസ് അറിയിച്ചു.    

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com