കൊല്ലം; രണ്ട് എൻജിനീയറിങ് വിദ്യാർത്ഥികളുടെ മരണത്തിന് ഇടയാക്കിയ അപകടത്തിൽ ഒരാൾ അറസ്റ്റിൽ. വിദ്യാര്ഥികള് സഞ്ചരിച്ച ബൈക്കിനെ ഇടിച്ചുവീഴ്ത്തിയ കാറിന്റെ ഡ്രൈവർ ലാൽകുമാറാണ് അറസ്റ്റിലായത്. ഇയാൾ മദ്യ ലഹരിയിൽ വാഹനമോടിച്ചതാണ് അപകടത്തിന് കാരണമായത്.
ലാൽകുമാറിനോപ്പം കാറിലുണ്ടായിരുന്ന റോയി ആശുപത്രിയിൽ ചികിത്സയിലാണ്. ഇയാളുടെ അറസ്റ്റും ഉടനുണ്ടാകുമെന്നാണ് സൂചന. വൈദ്യപരിശോധനയിലാണ് ഇവർ മദ്യപിച്ചിരുന്നതായി കണ്ടെത്തിയെന്ന് പൊലീസ് പറഞ്ഞു. പ്രതികൾക്കെതിരെ നരഹത്യയ്ക്കാണ് പൊലീസ് കേസെടുത്തിരിക്കുന്നത്.
കഴിഞ്ഞ 12ന് രാത്രിയില് കൊട്ടാരക്കര ചേത്തടിയിലാണ് അപകടമുണ്ടായത്. അമിതവേഗത്തില് എത്തിയ കാര് വിദ്യാര്ഥികളുടെ ബൈക്കിനെ ഇടിച്ചുവീഴ്ത്തി. കുണ്ടറ കേരളപുരം സ്വദേശി ഗോവിന്ദ്, കണ്ണൂർ പയ്യന്നൂർ സ്വദേശിനി ചൈതന്യ എന്നിവരാണ് മരിച്ചത്. ഇരുവരും തിരുവനന്തപുരം സിഇടി എന്ജിനീയറിങ് കോളജിലെ വിദ്യാര്ഥികളായിരുന്നു. സുഹൃത്തുക്കള്ക്കൊപ്പം അഞ്ച് ബൈക്കുകളില് തെന്മലയില് പോയി തിരികെ വരുമ്പോഴായിരുന്നു അപകടം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ