കൊച്ചി: ശ്രീനാരായണഗുരുവിന്റെ 167-ാം ജയന്തി ഇന്ന് കൊണ്ടാടും. പൂജകളോടെയും പ്രാർഥനകളോടെയും രാവിലെതന്നെ വർക്കല ശിവഗിരിയിൽ ആഘോഷങ്ങൾ ആരംഭിക്കും. കോവി‍ഡ് നിയന്ത്രണങ്ങൾ പാലിച്ച് നടക്കുന്ന പതാക ഉയർത്തലോടെയാണ് ഗുരുജയന്തി ആഘോഷം തുടങ്ങുക.
ഗുരുജയന്തി മുതൽ മഹാസമാധി ദിനം വരെയുള്ള ജപയജ്ഞം മഠത്തിൽ ആരംഭിക്കും. സമ്മേളനം ഒഴിവാക്കി വിപുലമായ ഘോഷയാത്രയൊന്നും ഇല്ലാതെയാണ് ഇത്തവണ ഗുരുജയന്തി കൊണ്ടാടുക.
പൊതു അവധിയായ ശ്രീനാരായണഗുരു ജയന്തി ദിനത്തിൽ കെഎസ്ഇബി ക്യാഷ് കൗണ്ടർ ഇന്ന് പ്രവർത്തിക്കില്ലെന്ന് അധികൃതർ അറിയിച്ചു. കാഷ് കൗണ്ടർ പ്രവർത്തിക്കുമെന്ന് നേരത്തെ കെഎസ്ഇബി അറിയിച്ചിരുന്നു. ഇക്കാര്യം വിവാദമായതോടെയാണ് തീരുമാനം മാറ്റിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
