തിരുവനന്തപുരം; വിവാഹ വാർഷികത്തിൽ വാഹനാപകടത്തിൽ യുവതി മരിച്ചു. ഭർത്താവിനൊപ്പം ബൈക്കിൽ സഞ്ചരിക്കുന്നതിനിടെ കാറുമായി കൂട്ടിയിടിക്കുകയായിരുന്നു. മംഗലപുരം വാലികോണം ചീനിവിള തൊടിയിൽ വീട് കീർത്തന ഭവനിൽ അർച്ചന (26) മരിച്ചത്.
നാലാം വിവാഹവാർഷികത്തിലായിരുന്നു അർച്ചനയുടെ ദാരുണാന്ത്യം. ഭർത്താവ് രാഹുലിന് പരുക്കേറ്റു. ബന്ധുവിന്റെ വിവാഹത്തിൽ പങ്കെടുക്കാൻ പൗഡിക്കോണം ചെല്ലമംഗലം ദേവീക്ഷേത്രത്തിലേക്ക് പോകുമ്പോഴായിരുന്നു അപകടം. പത്തരയോടെ അയിരൂപ്പാറ തേരുവിള ജംഗ്ഷനു സമീപമാണ് ഇവർ സഞ്ചരിച്ച ബൈക്ക് കാറുമായി കൂട്ടിയിടിച്ചത്.
റോഡിലേക്ക് തെറിച്ചുവീണ അർച്ചനയുടെ തലയ്ക്ക് ഗുരുതരമായി പരുക്കേൽക്കുകയായിരുന്നു. ടെക്നോപാർക്കിൽ ഇൻഫോസിസിൽ സെക്യൂരിറ്റി വിഭാഗം ഉദ്യോഗസ്ഥയാണ്. മകൻ റിഥുരാജ്. തോന്നയ്ക്കലിൽ ഓട്ടമൊബീൽ വർക്‌ഷോപ് നടത്തുകയാണ് രാഹുൽ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
