പാഞ്ഞെത്തിയ ട്രെയിനിന്​ മുന്നിൽനിന്ന്​ സെൽഫി; യുവാക്കൾക്ക്​ ദാരുണാന്ത്യം 

ഡറാഡൂൺ: ട്രെയിനിന്​ മുന്നിൽ സെൽഫിയെടുക്കാൻ ശ്രമിച്ച രണ്ട്​ യുവാക്കൾക്ക്​ ദാരുണാന്ത്യം. റെയിൽവേ ക്രോസിംഗിൽ നിൽക്കെ പാഞ്ഞെത്തിയ ട്രെയിനിന്​ മുന്നിൽനിന്ന്​ സെൽഫി എടുക്കുന്നതിനിടെ ഇരുവരെയും ട്രെയിൻ ഇടിച്ചു തെറിപ്പിക്കുകയായിരുന്നു. ലോകേഷ് ലോഹ്നി (35), മനീഷ് കുമാർ (25) എന്നിവരാണ് മരിച്ചത്. 

വെള്ളിയാഴ്ച രാത്രി രുദ്രാപൂരിലെ ശാന്തി വിഹാർ കോളനിയിലെ റെയിൽവേ ക്രോസിംഗിലാണ്​ സംഭവം. സംഭവസ്ഥലത്തുവച്ചുതന്നെ യുവാക്കൾ മരിച്ചു. അൽമോറ ജില്ലയിൽ നിന്നുള്ളവരാണ് ഇരുവരും.