കണ്ണൂര്: കണ്ണൂര് തലശ്ശേരിയിലെ ചിത്രകലാ വിദ്യാലയത്തില് താല്ക്കാലിക ജീവനക്കാരിയെ പ്രിന്സിപ്പല് അടക്കം പീഡിപ്പിച്ച സംഭവത്തില് പൊലീസ് കേസെടുത്തു. പ്രിന്സിപ്പല് എ രവീന്ദ്രന് അടക്കം ഒമ്പതുപേരാണ് കേസിലെ പ്രതികള്. യുവതിയുടെ പരാതിയുടെ അടിസ്ഥാനത്തില് കണ്ണൂര് ചക്കരക്കല്ല് പൊലീസ് എഫ്ഐആര് രജിസ്റ്റര് ചെയ്തു.
ലൈംഗിക അതിക്രമം, ഭീഷണിപ്പെടുത്തല്, സംഘം ചേര്ന്ന തടഞ്ഞുവെക്കല് ഉള്പ്പെടെയുള്ള ഗുരുതര വകുപ്പുകള് ചേര്ത്താണ് പൊലീസ് കേസെടുത്തിട്ടുള്ളത്. യുവതിയുടെ മൊഴി വീണ്ടും രേഖപ്പെടുത്തിയശേഷം, സംഭവം നടന്ന തലശ്ശേരിയിലെ പൊലീസിന് എഫ്ഐആര് കൈമാറുമെന്ന് പൊലീസ് അധികൃതര് സൂചിപ്പിച്ചു.
ഇനന്ലെ വൈകീട്ടോടെ പൊലീസ് ഇവരുടെ മൊഴിയെടുത്തിരുന്നു. വിവരം പുറത്തുന്നതിനെത്തുടര്ന്ന് യുവതിയെ വിളിച്ച് ഭീഷണിപ്പെടുത്തിയതായും പരാതി ഉയര്ന്നിട്ടുണ്ട്. ഇക്കാര്യവും പൊലീസ് അന്വേഷണപരിധിയില് ഉള്പ്പെടുത്തിയിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ