കൊല്ലം; ഭർത്താവിനെ കഴുത്തിൽ ഷാൾ മുറുക്കിക്കൊലപ്പെടുത്തിയ കേസിൽ ഭാര്യ അറസ്റ്റിൽ. പത്തനാപുരം പട്ടാഴിയിലാണ് സംഭവുമുണ്ടായത് കടുവാത്തോട് സൈദാരി മൻസിലിൽ ഷാജഹാന്റെ (43) കൊലപാതകത്തിൽ ഭാര്യ നിസയാണ് (37) അറസ്റ്റിലായത്. വീട്ടുവഴക്കിനെ തുടർന്നായിരുന്നു കൊലപാതകം.
ബൈക്കിൽ നിന്നു വീണ് പരുക്കേറ്റുവെന്ന് പറഞ്ഞു
മദ്യപിച്ചെത്തുന്ന ഷാജഹാൻ വീട്ടിൽ വഴക്കുണ്ടാക്കുകയും നിസയെ മർദിക്കുകയും പതിവായിരുന്നു. വെള്ളിയാഴ്ച പുലർച്ചെ ഇരുവരും തമ്മിൽ വഴക്കുണ്ടായി. അതിനിടെ ഷാൾ കഴുത്തിൽ മുറുകി ഷാജഹാൻ അബോധാവസ്ഥയിൽ ആവുകയായിരുന്നു. തുടർന്ന് ബന്ധുക്കളെ നിസ വിവരമറിയിച്ചു. ഷാജഹാൻ ബൈക്കിൽ നിന്നു വീണെന്നും പരുക്കേറ്റുവെന്നുമാണ് ഇവർ പറഞ്ഞത്.
കഴുത്തിലും ശരീരത്തിലും കണ്ട പാടുകളിൽ സംശയം
ബന്ധുക്കൾ ഉടൻ അടൂർ ആശുപത്രിയിൽ എത്തിച്ചെങ്കിലും മരിച്ചു. ഷാജഹാന്റെ കഴുത്തിനും ശരീരത്തിലും പാടുകൾ കണ്ട് സംശയം തോന്നിയ ബന്ധുക്കൾ തന്നെയാണ് പൊലീസിൽ വിവരം അറിയിച്ചത്. പിടിവലിക്കൊടുവിൽ അബദ്ധത്തിൽ കഴുത്തിൽ ഷാൾ മുറുകുകയായിരുന്നു എന്നാണ് ചോദ്യംചെയ്യലിൽ നിസ പൊലീസിനോട് പറഞ്ഞത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
