കേരളം
മൂന്നു ജില്ലകൾ അരിച്ചു പെറുക്കി; ഒറ്റരാത്രി പൊക്കിയത് 545 പിടികിട്ടാപ്പുള്ളികളെ
സാമൂഹിക വിരുദ്ധരെ പിടികൂടുന്നതിന്റെ ഭാഗമായി നടത്തിയ തിരച്ചിലിലാണ് പിടികിട്ടാപ്പുള്ളികളും വാറന്റ് പ്രതികളും പിടിയിലായത്
തൃശൂർ; ഒറ്റ രാത്രിയിൽ മൂന്നു ജില്ലകളിൽ നിന്നായി പൊലീസിന്റെ പിടിയിലായത് 545 പിടികിട്ടാപ്പുള്ളികൾ. സാമൂഹിക വിരുദ്ധരെ പിടികൂടുന്നതിന്റെ ഭാഗമായി നടത്തിയ തിരച്ചിലിലാണ് പിടികിട്ടാപ്പുള്ളികളും വാറന്റ് പ്രതികളും പിടിയിലായത്. തൃശൂർ റേഞ്ചിനു കീഴിലെ പാലക്കാട്, മലപ്പുറം, തൃശൂർ ജില്ലകളിലായിരുന്നു പൊലീസിന്റെ തിരച്ചിൽ.
ഡിഐജി എ. അക്ബറിന്റെ നേതൃത്വത്തിൽ നടന്ന പരിശോധനയിൽ അന്വേഷണത്തിലിരുന്ന 107 കേസുകളിലെ പ്രതികളെ പിടികൂടാനായി. തുടർന്ന് 128 അബ്കാരി കേസുകളും 32 ലഹരിമരുന്നു കേസുകളും രജിസ്റ്റർ ചെയ്തു. 11,031 വാഹനങ്ങൾ പരിശോധിച്ചു. ലോഡ്ജുകൾ, ബസ് സ്റ്റാൻഡുകൾ, റെയിൽവേ സ്റ്റേഷൻ എന്നിങ്ങനെ 381 കേന്ദ്രങ്ങളിൽ റെയ്ഡ് നടത്തി. 416 പട്രോളിങ് ടീമുകൾ പരിശോധനയിൽ പങ്കെടുത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ