ഫിറോസാബാദ്: വിവാഹത്തലേന്ന് യുവതി കാമുകനൊപ്പം ഒളിച്ചോടി. വിവാഹത്തിരക്കിനിടെ വീട്ടുകാര്ക്ക് ചായയില് ലഹരി ചേര്ത്തുനല്കുകയായിരുന്നു. തുടര്ന്ന് എല്ലാവരും ബോധരഹിതരായതിന് പിന്നാലെ യുവതി പണവും സ്വര്ണവുമായി കടന്നുകളയുകയായിരുന്നു. ഉത്തര്പ്രദേശിലെ ഫിറോസാബാദിലാണ് സംഭവം.
വീട്ടുകാര് ഉണര്ന്നപ്പോള് സംഭവിച്ചത് വിശ്വസിക്കാനായില്ല. തുടര്ന്ന് യുവതിയുടെ വീട്ടുകാര് പൊലീസില് പരാതി നല്കുകയായിരുന്നു. ലഹരി ചേര്ത്ത ചായ കുടിച്ചതിന് പിന്നാലെ ചില ബന്ധുക്കള് ആശുപത്രിയില് ചികിത്സയിലാണ്. ഒന്നരലക്ഷം രൂപ വിലയുള്ള ആഭരണങ്ങളുമായാണ് പെണ്കുട്ടി കടന്നുകളഞ്ഞതെന്ന് ബന്ധുക്കള് നല്കിയ പരാതിയില് പറയുന്നു.
വിവാഹദിവസം യുവതിയുടെ വീട്ടുകാര് പെണ്കുട്ടിയുടെ ഇളയസഹോദരിയെ യുവാവിന് വിവാഹം കഴിച്ചുനല്കുകയായിരുന്നു. യുവതിയുടെ വീട്ടുകാര് നല്കിയ പരാതില് കേസ് രജിസ്റ്റര് ചെയ്ത് അന്വേഷണം ആരംഭിച്ചതായി പൊലീസ് പറഞ്ഞു
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ