തിരുവനന്തപുരം: പാര്ട്ടി പറഞ്ഞാല് തെരഞ്ഞെടുപ്പില് നിന്ന് മാറി നില്ക്കുമെന്ന് സിപിഐ നേതാവും എംഎല്എയുമായ സി ദിവാകരന്. വ്യക്തിപരമായി വിഷമമായ തീരുമാനങ്ങള് പാര്ട്ടി എടുത്തപ്പോഴും താന് ഉള്ക്കൊണ്ടിട്ടുണ്ടെന്നും അതിലൊന്നും കുലുങ്ങുന്ന ജാതിയല്ല താനെന്നും സി ദിവാകരന് പറഞ്ഞു.
പാര്ട്ടി പ്രവര്ത്തനത്തിലും എഴുത്തിലും ഇനി ശ്രദ്ധ കേന്ദ്രീകരിക്കും. എല്ഡിഎഫ് തോല്ക്കുന്ന മണ്ഡലങ്ങളില് മത്സരിച്ച് ജയിക്കുക, അടുത്ത തവണ വിട്ടുകൊടുക്കുക എന്നതാണ് തന്റെ പതിവെന്നും സി. ദിവാകരന് കൂട്ടിച്ചേര്ത്തു.
മത്സര രംഗത്ത് വരാന് ഉദ്ദേശിക്കുന്നില്ല. തീരുമാനമെടുക്കുന്നത് പാര്ട്ടിയാണ്. യുഡിഎഫിന്റെ സീറ്റുകള് പിടിച്ചെടുക്കുകയായിരുന്നു മത്സരിച്ചപ്പോഴെല്ലാം ചെയ്തത്. പാര്ട്ടി പ്രവര്ത്തനത്തിലേക്ക് മാറുകയാണ്. ഒരു മണ്ഡലത്തിനുള്ളിലെ മാത്രം പ്രവര്ത്തനങ്ങളിലേക്ക് ഒതുങ്ങാന് ആഗ്രഹിക്കുന്നില്ലെന്നും ദിവാകരന് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ