സോളാർ തട്ടിപ്പ് : കോഴിക്കോട് സ്വദേശിയെ വഞ്ചിച്ച കേസിൽ വിധി ഇന്ന്
By സമകാലിക മലയാളം ഡെസ്‌ക്‌ | Published: 11th February 2021 07:48 AM |
Last Updated: 11th February 2021 07:48 AM | A+A A- |
ഫയല്‍ ചിത്രം
കോഴിക്കോട്: സോളാര്‍ തട്ടിപ്പുമായി ബന്ധപ്പെട്ട് കോഴിക്കോട് രജിസ്റ്റര് ചെയ്ത കേസിൽ കോടതി ഇന്ന് വിധി പ്രസ്താവിക്കും. സോളാര്‍ പാനല്‍ സ്ഥാപിക്കാന്‍ കോഴിക്കോട് സ്വദേശി അബ്ദുള്‍ മജീദില്‍ നിന്ന് 42,70,000 രൂപ സരിതയും ബിജു രാധാകൃഷ്ണനും വാങ്ങി വഞ്ചിച്ചെന്ന കേസിലാണ് കോടതി വിധി പ്രസ്താവിക്കുക.
സോളാര്‍ തട്ടിപ്പുമായി ബന്ധപ്പെട്ട് സംസ്ഥാനത്ത് തന്നെ ആദ്യം രജിസ്റ്റര് ചെയ്ത ആദ്യ കേസുകളിലൊന്നാണിത്. 2012 ല്‍ കോഴിക്കോട് കസബ പൊലീസാണ് കേസ് രജിസ്റ്റർ ചെയ്തത്. കഴിഞ്ഞയാഴ്ച കോഴിക്കോട് ജുഡീഷ്യല്‍ ഫസ്റ്റ് ക്ളാസ് മജിസ്ട്രേറ്റ് അവധിയായതിനാല്‍ വിധി പ്രസ്താവം ഇന്നത്തേക്ക് മാറ്റിവെക്കുകയായിരുന്നു.
