മ്യൂസിയങ്ങളിലും സ്മാരകങ്ങളിലും ഇനി ഫോട്ടോയെടുക്കാം, ചെരുപ്പിട്ട് കയറാം; സർക്കാർ ഉത്തരവ്
തിരുവനന്തപുരം; സംസ്ഥാന സർക്കാരിന് കീഴിലുള്ള മ്യൂസിയങ്ങളിലും സ്മാരകങ്ങളിലും ഫോട്ടോ എടുക്കുന്നതിനും വിഡിയോ പകർത്തുന്നതിനുമുള്ള നിരോധനം നീക്കി. കൂടാതെ ഇവിടങ്ങളിൽ ചെരിപ്പ് ധരിക്കുന്നതിനുള്ള വിലക്കും നീക്കിയതായും സാംസ്കാരിക വകുപ്പിന്റെ ഉത്തരവിൽ പറയുന്നു.
ചിത്രം പകർത്താമെങ്കിലും ഫ്ളാഷ് ഉപയോഗിക്കാൻ പാടില്ല. പ്രഫഷണൽ കാമറ ഉപയോഗിച്ചുള്ള ഫോട്ടോ, വിഡിയോ പകർത്തലുകൾക്ക് മാത്രം അനുമതി വാങ്ങണം. ഇതിനു ഫീസ് നിശ്ചയിക്കാൻ സ്ഥാപന മേധാവികൾക്ക് അനുമതിയുണ്ടാകും.
മ്യൂസിയങ്ങളിലും സ്മാരകങ്ങളിലും ചെരുപ്പ് ധരിച്ചാൽ കെടുപറ്റാൻ സാധ്യതയുള്ള ഇടങ്ങളിൽ മാത്രം നിരോധനം തുടരാമെന്നും ഉത്തരവിൽ പറയുന്നു. സന്ദർശകർക്കൊപ്പമെത്തുന്ന സർക്കാർ അംഗീകൃത ഗൈഡുകൾക്ക് സൗജന്യ പ്രവേശനം അനുവദിക്കാനും തീരുമാനമായി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ