'88 വയസ്സല്ലേ ആയിട്ടുള്ളൂ, മുഖ്യമന്ത്രിയാകാൻ ഒരു 10– 15 വർഷം കൂടി കാത്തിരിക്കാം'

ചെന്നൈ : മെട്രോമാൻ ഇ ശ്രീധരന്റെ ബിജെപി പ്രവേശനത്തെയും മുഖ്യമന്ത്രിയാകാൻ തയ്യാറാണെന്ന പ്രസ്താവനയെയും പരിഹസിച്ച് സിനിമാ താരം സിദ്ധാർഥ്. ഇപ്പോൾ വെറും 88 വയസ്സല്ലേ ആയിട്ടുള്ളൂ. മുഖ്യമന്ത്രിയാകാൻ അദ്ദേഹത്തിന് ഒരു പത്ത്– പതിനഞ്ച് വർഷം കൂടി കാത്തിരിക്കാം എന്നാണ് സിദ്ധാർത്ഥ് ട്വിറ്ററിൽ കുറിച്ചത്.

ഒരു സാങ്കേതിക വിദഗ്ധനായി ഇ ശ്രീധരൻ രാജ്യത്തിന് നൽകിയ സംഭാവനകളുടെ ആരാധകനാണ് താൻ. അദ്ദേഹം ബിജെപിയിൽ ചേർന്നതിലും കേരളത്തിന്റെ അടുത്ത മുഖ്യമന്ത്രിയാകാൻ ആഗ്രഹിക്കുന്നതിലും ‍വളരെ ആവേശത്തിലാണ്. പക്ഷേ ഇത് അൽപം നേരത്തെ ആയി പോയില്ലേ എന്നാണ് എന്റെ ഭയം. സിദ്ധാർത്ഥ് അഭിപ്രായപ്പെട്ടു.

Big fan of E. Sreedharan sir and his service to our country as a technocrat. So excited he has joined the BJP and wants to be the next CM of Kerala. I'm just apprehensive that it might be a little premature. He could have waited 10-15 years IMHO. He's only 88 after all.

— Siddharth (@Actor_Siddharth) February 21, 2021