മെമു സര്‍വീസ് അടുത്ത മാസം ആരംഭിച്ചേക്കും

മെമു സര്‍വീസുകള്‍ പുനരാരംഭിക്കുമ്പോള്‍ റിസര്‍വേഷന്‍ ബാധകമാകുമോ എന്ന് വ്യക്തമല്ല
ഫയല്‍ ചിത്രം
ഫയല്‍ ചിത്രം

കൊച്ചി : കേരളത്തില്‍ മെമു സര്‍വീസ് അടുത്ത മാസം ആരംഭിച്ചേക്കും. ഇതിനുള്ള ശുപാര്‍ശ റെയില്‍വേ ബോര്‍ഡിന് കൈമാറി. മലബാര്‍ മേഖലയിലെ മെമു സര്‍വീസും ഇതോടൊപ്പം തുടങ്ങുമെന്നാണ് റിപ്പോര്‍ട്ട്. 

ഷൊര്‍ണൂര്‍- കോഴിക്കോട് റൂട്ടില്‍ ആരംഭിക്കുന്ന മെമു കണ്ണൂര്‍ വരെ നീട്ടുന്നതും പരിഗണനയിലുണ്ട്. കൊല്ലം-എറണാകുളം, എറണാകുളം-ഷൊര്‍ണൂര്‍, ഷൊര്‍ണൂര്‍-കണ്ണൂര്‍ എന്ന രീതിയിലാകും സര്‍വീസ്. 

മെമു സര്‍വീസുകള്‍ പുനരാരംഭിക്കുമ്പോള്‍ റിസര്‍വേഷന്‍ ബാധകമാകുമോ എന്ന് വ്യക്തമല്ല. കോവിഡ് ടെസ്റ്റ് പോസിറ്റിവിറ്റി നിരക്ക് അഞ്ചുശതമാനത്തില്‍ താഴെ ആകുന്ന മുറയ്‌ക്കേ റിസര്‍വേഷനില്ലാത്ത യാത്ര അനുവദിക്കേണ്ടതുള്ളൂ എന്ന നിലപാടാണ് അധികൃതര്‍ക്കുള്ളത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com