മലപ്പുറം: മെട്രോ മാൻ ഇ ശ്രീധരൻ ബിജെപി സംസ്ഥാന പ്രസിഡന്റ് കെ സുരേന്ദ്രൻ നയിക്കുന്ന വിജയ യാത്രയുടെ വേദിയിലെത്തി. മലപ്പുറം ചങ്ങരംകുളത്തെ വേദിയിലാണ് ഇ ശ്രീധരൻ പങ്കെടുത്തത്.
ബിജെപിയിൽ അംഗത്വമെടുത്ത ശേഷം ഇതാദ്യമായാണ് അദ്ദേഹം പാർട്ടിയുടെ പൊതുപരിപാടിയിൽ പങ്കെടുക്കുന്നത്. വേദിയിൽ വച്ച് അദ്ദേഹത്തിന് ബിജെപി അംഗത്വം ഔദ്യോഗികമായി നൽകി. കെ സുരേന്ദ്രൻ ഹാരമണിയിച്ച് അദ്ദേഹത്തെ സ്വീകരിച്ചു.
പാർട്ടി പ്രവേശനം ജീവിതത്തിലെ പുതിയ അധ്യായമെന്നാണ് അദ്ദേഹം വിശേഷിപ്പിച്ചത്. 18 മാസം കൊണ്ട് കഴിക്കേണ്ട പാലാരിവട്ടം പാലം അഞ്ചര മാസം കൊണ്ട് തീർത്തതോടെ തൻ്റെ ഔദ്യോഗിക ജീവിതത്തിന് വിരാമമായതായി അദ്ദേഹം പറഞ്ഞു. 67 വർഷത്തെ സേവനത്തിന് ശേഷം രാഷ്ട്രത്തെ സേവിക്കാൻ ബിജെപി തന്നെ വേണം എന്നതുകൊണ്ടാണ് പാർട്ടിയിൽ ചേർന്ന് പ്രവർത്തിക്കാൻ തീരുമാനിച്ചത്. ബിജെപിയിൽ ചേർന്ന് പ്രവർത്തിക്കാൻ അവസരം നൽകിയ പാർട്ടി അധ്യക്ഷന് നന്ദി പറയുന്നതായും ഇ.ശ്രീധരൻ പറഞ്ഞു
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ