സംസ്ഥാനത്ത് കോവിഡ് വാക്സിനേഷന് ഡ്രൈ റണ്‍ രണ്ടാംഘട്ടം ഇന്ന്‌ ; 46 കേന്ദ്രങ്ങളിൽ
By സമകാലിക മലയാളം ഡെസ്‌ക്‌ | Published: 08th January 2021 07:39 AM |
Last Updated: 08th January 2021 07:39 AM | A+A A- |
ആദ്യഘട്ട ഡ്രൈ റൺ നടത്തുന്നു / ഫയൽ ചിത്രം ഡ്രൈ റണ്‍ നടത്തുന്നു / ഫെയ്‌സ്ബുക്ക് ചിത്രം
തിരുവനന്തപുരം : സംസ്ഥാനത്ത് രണ്ടാംഘട്ട കോവിഡ് വാക്‌സിൻ ഡ്രൈ റൺ ഇന്നു നടക്കും. 14 ജില്ലയിലെ 46 കേന്ദ്രത്തിൽ രാവിലെ ഒമ്പതുമുതൽ 11 വരെയാണ് ഡ്രൈ റൺ. ഓരോ കേന്ദ്രത്തിലും 25 ആരോഗ്യപ്രവർത്തകർ വീതം പങ്കെടുക്കും.
ജില്ലകളിലെ മെഡിക്കല്‍ കോളേജ്/ജില്ലാ ആശുപത്രി, സ്വകാര്യ ആശുപത്രി, നഗര/ഗ്രാമീണ ആരോഗ്യ കേന്ദ്രം എന്നിവിടങ്ങളിലാണ് ഡ്രൈ റണ്‍ നടത്തുന്നത്. രജിസ്ട്രേഷൻ ഉള്‍പ്പെടെ കോവിഡ് വാക്സിനേഷനുമായി ബന്ധപ്പെട്ട നടപടിക്രമങ്ങള്‍ എല്ലാം അതുപോലെ പാലിച്ചാണ് ഡ്രൈ റണ്‍ നടത്തുന്നത്.
ആദ്യഘട്ടത്തിൽ സർക്കാർ, സ്വകാര്യ മേഖലയിലുള്ള ആരോഗ്യപ്രവർത്തകർ, മെഡിക്കൽ വിദ്യാർഥികൾ, ആശാ വർക്കർമാർ, അങ്കണവാടി ജീവനക്കാർ എന്നിവർക്കാണ് വാക്‌സിൻ നൽകുക. ഇതുവരെ 3,51,457 പേരാണ് രജിസ്റ്റർ ചെയ്തത്. സർക്കാർ മേഖലയിലെ 1,67,084 പേരും സ്വകാര്യ മേഖലയിലെ 1,84,373 പേരും.
ശനിയാഴ്‌ച നാല്‌ ജില്ലയിലെ ആറ്‌ ആരോഗ്യകേന്ദ്രത്തിൽ ഡ്രൈ റൺ നടത്തിയിരുന്നു. എപ്പോൾ വാക്‌സിൻ എത്തിയാലും കേരളം കോവിഡ് വാക്സിനേഷന് സജ്ജമാണൈന്ന്‌ ആരോഗ്യ മന്ത്രി കെ കെ ശൈലജ പറഞ്ഞു.
