കൊച്ചി: വൈറ്റില മേൽപ്പാലം ഉദ്ഘാനത്തിന് മുൻപ് തുറന്നു കൊടുത്ത കേസിൽ അറസ്റ്റിലായ വി ഫോർ കൊച്ചി ക്യാമ്പയിൻ കൺട്രോളർ നിപുൺ ചെറിയാൻ ജയിൽ മോചിതനായി. കേസിൽ എറണാകുളം സെഷൻസ് കോടതി നിപുണിന് ജാമ്യം അനുവദിച്ചിരുന്നു. പിന്നാലെയാണ് ജയിൽ മോചിതനായത്.
ആൾ ജാമ്യത്തിനു പുറമേ ഒരു ലക്ഷം രൂപ കെട്ടിവെക്കണം എന്ന വ്യവസ്ഥയിലാണ് ജാമ്യം അനുവദിച്ചത്. നിപുൺ എറണാകുളം ജില്ല വിട്ടു പോകരുതെന്നും ഉപാധിയുണ്ട്. നടപടിക്രമങ്ങൾ പൂർത്തിയാക്കിയാണ് ഇന്ന് ജയിൽ മോചിതനായത്.
ഔദ്യോഗികമായി ഉദ്ഘാടനം ചെയ്യുന്നതിന് മുൻപ് തന്നെ പാലം തുറന്നതിനെ തുടർന്ന് കഴിഞ്ഞ അഞ്ചിന് അർധ രാത്രിയോടെയാണ് നിപുൺ അറസ്റ്റിലായത്. പാലം തുറന്നതിൽ തങ്ങൾക്ക് പങ്കില്ലെന്ന നിലപാടിലാണ് വി ഫോർ കൊച്ചി.
നിപുൺ ചെറിയാന് നേരത്തെ സിജെഎം കോടതി ജാമ്യം അനുവദിച്ചിരുന്നില്ല. നിപുണിനൊപ്പം അറസ്റ്റിലായ മറ്റുള്ളവർക്ക് ജാമ്യം അനുവദിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ