തിരുവനന്തപുരം : തിരുവനന്തപുരത്ത് വീണ്ടും പൊലീസിന് നേരെ ആക്രമണം. വാഹന പരിശോധനക്കിടെ സൈനികനാണ് പൊലീസിനെ ആക്രമിച്ചത്. പൂന്തുറ സ്റ്റേഷനിലെ രണ്ട് എസ് ഐ മാര്ക്ക് പരിക്കേറ്റു. ഒരു എസ്ഐയുടെ കൈയൊടിഞ്ഞു.
സംഭവത്തില് കെല്വിന് വില്സ് എന്ന സൈനികനെ പൊലീസ് അറസ്റ്റ് ചെയ്തു. ഇയാളെ അറസ്റ്റ് ചെയ്യാന് ശ്രമിക്കുന്നതിനിടെയാണ് പൊലീസിനെ ആക്രമിച്ചത്. വാഹന പരിശോധനയ്ക്കിടെ വനിതാ പൊലീസുദ്യോഗസ്ഥയോട് ഇയാള് മോശമായി പെരുമാറിയെന്നും പൊലീസ് പറയുന്നു.
കഴിഞ്ഞ ദിവസവും തലസ്ഥാനത്ത് പൊലീസിന് നേരെ ഗുണ്ടാസംഘങ്ങള് ആക്രമണം അഴിച്ചു വിട്ടിരുന്നു. വീടാക്രമിച്ച കേസിലെ പ്രതികളെ പിടികൂടുന്നതിനിടെയായിരുന്നു ആക്രമണം. പൊലീസ് വാഹനം ഇടിച്ച് തെറിപ്പിക്കാന് ശ്രമിക്കുകയും ചെയ്തു. സംഭവത്തില് മൂന്നുപേരെ ഫോര്ട്ട് പൊലീസ് അറസ്റ്റ് ചെയ്തിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ