തിരുവനന്തപുരം: അര്ഹതപ്പെട്ട ഡിജിപി പദവി നല്കണമെന്ന് ഫയര്ഫോഴ്സ് മേധാവി ഡോ. ബി സന്ധ്യ. ആവശ്യമുന്നയിച്ച് സന്ധ്യ സർക്കാറിന് കത്തുനൽകി. ലോക്നാഥ് ബെഹ്റ വിരമിച്ച ഒഴിവില് തനിക്ക് അര്ഹതപ്പെട്ട ഡി ജി പി പദവി അനുവദിക്കണമെന്നാണ് കത്തിലെ ആവശ്യം.
സംസ്ഥാനത്തെ പുതിയ പൊലീസ് മേധാവിയെ തെരഞ്ഞെടുക്കാനായി യു പി എസ് സിയുടെ ചുരുക്കപ്പട്ടികയില് നിലവിലെ പൊലീസ് മേധാവി അനിൽ കാന്തിന് പുറമേ വിജിലന്സ് ഡയറക്ടര് സുദേഷ് കുമാറും സന്ധ്യയുമാണുണ്ടായിരുന്നത്. അനിൽ കാന്തിനെക്കാള് സീനിയോറിറ്റിയില് മുന്നിലാണ് സന്ധ്യ. എ ഡി ജി പി ആയിരുന്ന അനിൽകാന്തിനെ ഡി ജി പി ഗ്രേഡ് നൽകിയാണ് നിയമിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ