തിരുവനന്തപുരം: സംസ്ഥാനത്ത് ഒരാള്ക്ക് കൂടി സിക്ക വൈറസ് സ്ഥിരീകരിച്ചതായി ആരോഗ്യ മന്ത്രി വീണാ ജോര്ജ് അറിയിച്ചു. നന്ദന്കോട് നിന്നും ശേഖരിച്ച സാമ്പിളുകളില് ആലപ്പുഴ എന്ഐവിയില് നടത്തിയ പരിശോധനയിലാണ് 40 വയസുകാരന് സിക്ക വൈറസ് സ്ഥിരീകരിച്ചത്.
ആദ്യഘട്ടമായി അയച്ച 17 സാമ്പിളുകള് നെഗറ്റീവാണെന്ന് സ്ഥിരീകരിച്ചിരുന്നു. തുടര്ന്ന് രണ്ടാംഘട്ടമായി അയച്ച 27 സാമ്പിളുകളിലാണ് ഒരാള്ക്ക് സിക്ക വൈറസ് സ്ഥിരീകരിച്ചത്. ഇതോടെ സംസ്ഥാനത്ത് 15 പേര്ക്കാണ് സിക്ക വൈറസ് സ്ഥിരീകരിച്ചതെന്നും മന്ത്രി വ്യക്തമാക്കി.
ജില്ലയിലെ ലാബുകളോട് സിക്ക സംശയമുള്ള കേസുകള് റിപ്പോര്ട്ട് ചെയ്യാന് ജില്ലാ ഭരണകൂടം നിര്ദ്ദേശം നല്കിയിട്ടുണ്ട്. ആരോഗ്യകേന്ദ്രങ്ങളില് പനി ക്ലിനിക്കുകള് ഉറപ്പാക്കാനും നിര്ദേശമുണ്ട്. ഈഡിസ് ഈജിപ്തി വിഭാഗത്തില് പെടുന്ന കൊതുകുകളാണ് വൈറസ് പരത്തുന്നത്. സിക്ക വൈറസ് ഗര്ഭിണികളെ ഗുരുതരമായി ബാധിക്കും. അതിനാല് ഗര്ഭിണികള് ആദ്യ നാല് മാസത്തില് അതീവ ശ്രദ്ധ പുലര്ത്തുകയും പരിശോധനയ്ക്ക് വിധേയരാവുകയും ചെയ്യണമെന്ന് ആരോഗ്യവകുപ്പ് നിര്ദേശിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ