പത്തനംതിട്ട: ശബരിമല ദര്‍ശനത്തിന് ബുക്കിങ് ഇന്ന് മുതല്‍. വൈകുന്നേരം അഞ്ചുമണി മുതല്‍ ദര്‍ശനത്തിനായി ഭക്തര്‍ക്ക് ബുക്ക് ചെയ്യാം.
sabarimalaomline.org എന്ന വെബ് സൈറ്റിലാണ് രജിസ്റ്റര്‍ ചെയ്യേണ്ടത്. കര്‍ക്കിടക മാസ പൂജകള്‍ക്കായി 16നു വൈകിട്ട് 5 മണിക്ക് നട തുറക്കുക. 17 മുതല്‍ പ്രതിദിനം 5000 പേര്‍ക്ക് ദര്‍ശനം നടത്താന്‍ അനുമതി നല്‍കും. വെര്‍ച്വല്‍ ക്യൂ ബുക്കിങ് സംവിധാനത്തിലൂടെയായിരിക്കും പ്രവേശനം.
48 മണിക്കൂറിനുള്ളില്‍ എടുത്ത കോവിഡ് ആര്‍ടിപിസിആര്‍ പരിശോധനാ നെഗറ്റീവ് സര്‍ട്ടിഫിക്കറ്റോ 2 ഡോസ് പ്രതിരോധ വാക്‌സീന്‍ സര്‍ട്ടിഫിക്കറ്റോ ഉള്ളവര്‍ക്കു മാത്രമായിരിക്കും അനുമതി. 21നു രാത്രി നട അടയ്ക്കുമെന്നും തിരുവിതാംകൂര്‍ ദേവസ്വം ബോര്‍ഡ് അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
